Sanidade programa cribados a 580 profesionais do marisqueo das tres confrarías do fondo da ría
Por Redacción
Nas últimas xornadas, a consellería de Sanidade detectou unha alta incidencia de casos de covid-19 no colectivo profesional do marisqueo no fondo da ría de Pontevedra, tras detectarse na actividade da lonxa de Campelo, en Poio.
Por este motivo, o Servizo Galego de Saúde (SERGAS) comunicou o inicio de cribados preventivos mediante probas PCR a un grupo de 580 persoas das confrarías de Lourizán e San Telmo, de Pontevedra, e de Raxó en Poio. A intención de realizar estas probas é detectar as posibles infeccións por coronavirus entre este colectivo de traballadores do mar e a posible presenza de asintomáticos.
A previsión é que se realice de maneira diaria nos próximos días, tanto en quenda de mañá como de tarde. levarán a cabo na carpa COVID Auto do Hospital Provincial, con acceso pola rúa Joaquín Costa, como no punto de extracción de probas situado na rúa Loureiro Crespo, no lateral exterior do Hospital Provincial.
O SERGAS convocará a través dunha mensaxe SMS telefónica e de maneira gradual. Citarase a 191 profesionais do marisqueo da confraría de Lourizán; 305 procedentes da confraría de San Telmo e 84 compoñentes da confraría de Raxó.
Todas as probas procederanse no servizo de Microbioloxía do Complexo Hospitalario Universitario de Pontevedra e os resultados, no caso de que sexan negativos, comunicaranse por SMS. No caso de que o resultado sexa positivo, comunicarase de maneira individual a cada profesional a través dunha chamada telefónica.
Relacionadas:
-
Detectan dezaseis positivos no cribado por PCR entre o marisqueo da ría de Pontevedra
Por Redacción |
-
Clamor en Poio por novos cribados tras superar por primeira vez os 200 casos activos por covid-19
Por Alejandro Espiño |
-
A Deputación solicita un cribado para o persoal e menores do Centro Príncipe Felipe ao ser poboación vulnerable
Por Redacción |
-
Poio fai súas as reivindicacións de SOS Sanidade para mellorar a atención sanitaria no municipio
Por Redacción |
-
Van intensificarse os labores de limpeza no exterior de centros educativos, farmacias, supermercados e centros de saúde
Por Redacción |
-
A Policía Local de Poio sanciona a 25 persoas por saltar o peche perimetral durante a fin de semana
Por Redacción |