A Policía Local de Poio sanciona a 25 persoas por saltar o peche perimetral durante a fin de semana
Por Redacción
A Policía Local de Poio tramitou esta fin de semana un total de 30 denuncias relacionadas co incumprimento das novas restricións pola pandemia da Covid-19. Desde o venres, o municipio está pechado perimetralmente e os axentes, nos operativos de seguridade levados a cabo na contorna do Puente da Barca ou na parroquia de San Xoán, sancionaron a 25 persoas por non respectar o peche perimetral.
Doutra banda, impuxéronse tamén outras cinco denuncias polo uso indebido da máscara na vía pública.
Noutra orde de cousas, durante o operativo os axentes puideron constatar tamén outras irregularidades non relacionadas coa pandemia, como dous vehículos que circulaban sen a ITV en regra, dúas persoas que deron positivo por consimo de estupefacientes, dúas multas por circular coa carga mal acondicionada e unha adicional por levar mal posto o cinto de seguridade.
Desde a Policía Local lembran que se seguirán realizando este tipo de controis durante as próximas xornadas, así como inspeccións para velar polo cumprimento do resto de medidas, como son o peche da hostalería ás 18 horas, o dos comercios ás 21.30 ou o toque de queda ás 22 horas.
Relacionadas:
-
Sanidade programa cribados a 580 profesionais do marisqueo das tres confrarías do fondo da ría
Por Redacción |
-
Van intensificarse os labores de limpeza no exterior de centros educativos, farmacias, supermercados e centros de saúde
Por Redacción |
-
As denuncias da Policía Local crecen a 75 na primeira fin de semana das novas restricións
Por Alejandro Espiño |
-
Sanidade centrará no Vao o seu primeiro cribado masivo en Poio
Por Alejandro Espiño |
-
Pontevedra pide á Xunta ser "flexible" coa mobilidade dos que viven en zonas limítrofes
Por Alejandro Espiño |
-
Aumentan os positivos por covid no Poio Pescamar, que cambia a cancha polos adestramentos na casa
Por Almu Dapena |
-
Controis informativos en Poio no primeiro día de peche perimetral individual
Por Redacción |