Continúan as protestas do persoal de Política Social para conseguir mellores condicións de traballo
Por Redacción
O persoal das residencias dependentes da Consellería de Política Social volve saír ás rúas. Suman un total de 25 as manifestacións promovidas polo sindicato CIG para denunciar a deterioración do servizo público en lugares como a Residencia de Campolongo, en Pontevedra.
Denuncian desde a central que, "desde o ano 2012, a Consellería de Política Social, dentro da súa política de recortes, incidiu sen contemplacións sobre os traballadores que prestan servizo nos seus centros de maiores, menores e discapacitados. A redución do cadro de persoal fai que o mesmo traballo se leve adiante cunha plantilla mermada. Con esa escaseza de medios, tiveron que afrontar a grave situación xerada pola pandemia da Covid-19".
Critican ademais que a porcentaxe de interinidades nestes centros supera o 50 %, que os índices de accidentes de traballo ou baixas por enfermidade dispáranse, que carecen dun plan de continxencia nas súas residencias dez meses despois do estalido da pandemia e que o persoal descoñece o calendario de vacinación.
Por todas estas deficiencias, seguirá habendo manifestacións cada xoves diante destes centros de traballo e fronte á sede da Xunta en Santiago. Ademais, acusan á conselleira Fabiola García de ignorar a chamada á negociación que realizan as agrupacións sindicais CIG, CC. OO., CSIF e UXT.
Por todo iso, advirten que están a preparar novas mobilizacións e un documento que recolla todas as demandas específicas do persoal para presionar á consellería para abrir a mesa de negociación.
Relacionadas:
-
O Comité de Empresa denuncia "abusos" por parte da Dirección da Residencia de Maiores de Campolongo
Por Oskar Viéitez |
-
O persoal das residencias da Xunta suma 32 xornadas de mobilizacións
Por Redacción |
-
As protestas pola precariedade laboral dos traballadores de Política Social cumpren 30 semanas
Por Redacción |
-
Pontevedra cederá unha parcela en 12 de Novembro á Xunta para construír unha residencia de maiores
Por Manu Otero |
-
Os traballadores públicos dependentes de Política Social dan tregua ás súas protestas ata o mes de setembro
Por Redacción |
-
Continúan as protestas dos traballadores das residencias de maiores para conseguir melloras laborais
Por Manu Otero |