Sanidade limita a dez persoas as xuntanzas sociais en toda Galicia
Por Alejandro Espiño
A partir de mañá xoves, as reunións sociais en toda Galicia estarán limitadas a un máximo de dez persoas. Esta restrición afecta tanto os encontros en lugares públicos como en espazos privados, é dicir, nos propios domicilios.
Esta foi unha das principais decisións que adoptou onte á noite o comité clínico que fai seguimento da evolución da pandemia da covid-19 en Galicia.
Os expertos xustifican esta restrición no feito de que se rexistrou un notable aumento dos contaxios nas reunións sociais e familiares.
Esta medida publicouse este mércores no Diario Oficial de Galicia e entrará en vigor a partir das 00.00 horas do xoves.
Con respecto aos municipios de especial restrición, Sanidade mantén por agora as limitacións en oito concellos da área sanitaria de Pontevedra e O Salnés: Pontevedra, Marín, Poio, Sanxenxo, Vilagarcía, Vilanova, Cambados e Meis.
Relacionadas:
-
Un home de 62 anos, vítima mortal número 25 da covid-19 en Pontevedra
Por Redacción |
-
Catro traballadores, os primeiros positivos por covid-19 no persoal da Lama desde o inicio da pandemia
Por Natalia Puga |
-
A área sanitaria rexistra 24 positivos por covid-19 máis nun día con apenas 306 PCR's
Por Natalia Puga |