Un home de 62 anos, vítima mortal número 25 da covid-19 en Pontevedra
Por Redacción
Xornada negra en Galicia. A covid-19 cobrouse este martes a vida de once pacientes. É a maior cifra de falecementos que se rexistra na comunidade, nun mesmo día, desde hai máis de cinco meses. Así o confirmaron as autoridades sanitarias.
Segundo os datos facilitados por Sanidade, unha destas vítimas mortais da pandemia perdeu a vida no Complexo Hospitalario de Pontevedra. Trátase dun home de 62 anos que, do mesmo xeito que o resto de falecidos este martes, tiña patoloxías previas.
Con este novo deceso, elévanse a 25 os falecidos na área sanitaria de Pontevedra e O Salnés desde que comezou a pandemia o pasado mes de marzo.
Ademais deste paciente en Pontevedra, durante este martes morreron outras dez persoas, sete delas relacionadas con residencias de maiores na provincia de Ourense.
Os outros tres falecidos, tres homes de 82, 76 e 70 anos, rexistráronse nos hospitais de Santiago de Compostela, Verín e Ourense respectivamente.
En total, a pandemia da covid-19 provocou a morte en Galicia de 797 persoas.
Relacionadas:
-
Falece unha muller de 73 anos que estaba ingresada por covid-19 no Hospital Montecelo
Por Redacción |
-
Sanidade limita a dez persoas as xuntanzas sociais en toda Galicia
Por Alejandro Espiño |
-
Catro traballadores, os primeiros positivos por covid-19 no persoal da Lama desde o inicio da pandemia
Por Natalia Puga |
-
A área sanitaria rexistra 24 positivos por covid-19 máis nun día con apenas 306 PCR's
Por Natalia Puga |
-
Empeora o número de casos de covid con 26 novos positivos este luns
Por Oskar Viéitez |