Os casos de Covid-19 dispáranse na área sanitaria, con 5 novos positivos e 15 casos activos
Por Diego Espiño
Despois de varias semanas de certa contención e estabilidade nos datos oficiais de afectados de coronavirus na área sanitaria, os casos de Covid-19 disparáronse nos dous últimos días.
Segundo o balance ofrecido este sábado 25 de xullo pola Consellería de Sanidade, rexistráronse 5 novos positivos con respecto á estatística do venres e só un paciente recibiu o alta epidemiolóxica, polo que a cifra de 'casos activos' que ofrece a Xunta ascende a 15, polos 9 que se reflexaban o pasado xoves.
Un repunte significativo para unha área sanitaria que durante un tempo foi a de menos afectación de Galicia e que chegou a rozar a ausencia de casos a principios do mes de xullo, cando só dúas persoas contaban cun positivo activo.
Estes datos supoñen retroceder a niveis do pasado 8 de xuño, último día cunha cifras superiores ás actuais ao rexistrarse por aquel entón 16 casos.
A parte positiva é que o aumento de casos polo momento non se traduciu en ingresos hospitalarios, xa que todos os afectados atópanse illados nos seus respectivos domicilios.
Desde o inicio da pandemia curáronse na área sanitaria 907 afectados, mentres que a cifra de falecementos asociados ao coronavirus é de 16.
A nivel autonómico a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 196, polos 180 do balance ofrecido o venres. Deles 52 son da área da Coruña, 80 da de Lugo, 6 da de Ourense, 15 da de Pontevedra, 32 da área de Vigo, 11 da de Santiago, e ningún da de Ferrol.
Do total de pacientes positivos, 1 está en UCI, 10 en unidades de hospitalización e 185 no domicilio. Polo de agora, en Galicia hai un total de 11.211 persoas curadas, rexistrándose 619 falecementos.
O número de PCR realizadas é de 241.712.
Relacionadas:
-
Soben a dúas as persoas hospitalizadas por Covid na área sanitaria, nunha xornada con tres novos positivos
Por Diego Espiño |
-
Xornada sen cambios no balance de Covid-19 na área sanitaria: sen novos positivos e con 20 casos activos
Por Diego Espiño |
-
Os casos activos de Covid soben a 20 en Pontevedra e O Salnés tras rexistrarse dous novos positivos
Por Diego Espiño |
-
Un novo positivo e dúas altas reducen a 18 os casos activos de coronavirus na área sanitaria
Por Diego Espiño |
-
Sete positivos e un paciente ingresado en Montecelo no terceiro día de escalada de casos de Covid na área sanitaria
Por Diego Espiño |
-
Repunte de casos de Covid na área sanitaria, con 4 positivos rexistrados nas últimas horas e 11 casos activos
Por Diego Espiño |
-
A área sanitaria rexistra nas últimas 24 horas dous pacientes curados e dous positivos novos por coronavirus
Por Natalia Puga |
-
O Sergas contabiliza o mesmo número de positivos na área sanitaria na última xornada
Por Redacción |
-
Sen cambios na situación epidemiolóxica da área sanitaria: nove casos activos en seguimento domiciliario
Por Natalia Puga |