Repunte de casos de Covid na área sanitaria, con 4 positivos rexistrados nas últimas horas e 11 casos activos
Por Diego Espiño
A incidencia do coronavirus na área sanitaria experimentou un incremento de casos en Pontevedra e O Salnés nas últimas horas.
Segundo o balance diario feito público pola Consellería de Sanidade, os 'casos activos' de coronavirus na área sanitaria soben a 11, dous máis que os rexistrados o día anterior.
Con todo o número de novo positivos contabilizados é de catro persoas, resultado que sae da suma do incremento de casos activos coas dúas altas epidemiolóxicas que se produciron desde o xoves.
Todos os casos baixo seguimento permanecen illados nos seus domicilios, sen que ningún afectado precise de ingreso nos hospitais da comarca.
Desde o inicio da pandemia 906 pacientes superaron a enfermidade na área sanitaria, onde faleceron 16 persoas relacionadas coa Covid-19.
A nivel autonómico a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 180, 17 máis que os 163 que se contabilizaban o xoves. Deles 43 son da área da Coruña, 80 da de Lugo, 4 da de Ourense, 11 da de Pontevedra, 31 da área de Vigo, 11 da de Santiago e ningún da de Ferrol.
Do total de pacientes positivos, 10 están en unidades de hospitalización e 170 no domicilio, non habendo ningún en UCI. Polo de agora, en Galicia hai un total de 11.197 persoas curadas, rexistrándose 619 falecementos.
O número de PCR realizadas é de 240.281.
Relacionadas:
-
Soben a dúas as persoas hospitalizadas por Covid na área sanitaria, nunha xornada con tres novos positivos
Por Diego Espiño |
-
Xornada sen cambios no balance de Covid-19 na área sanitaria: sen novos positivos e con 20 casos activos
Por Diego Espiño |
-
Os casos activos de Covid soben a 20 en Pontevedra e O Salnés tras rexistrarse dous novos positivos
Por Diego Espiño |
-
Un novo positivo e dúas altas reducen a 18 os casos activos de coronavirus na área sanitaria
Por Diego Espiño |
-
Sete positivos e un paciente ingresado en Montecelo no terceiro día de escalada de casos de Covid na área sanitaria
Por Diego Espiño |
-
Os casos de Covid-19 dispáranse na área sanitaria, con 5 novos positivos e 15 casos activos
Por Diego Espiño |
-
A área sanitaria rexistra nas últimas 24 horas dous pacientes curados e dous positivos novos por coronavirus
Por Natalia Puga |
-
O Sergas contabiliza o mesmo número de positivos na área sanitaria na última xornada
Por Redacción |
-
Sen cambios na situación epidemiolóxica da área sanitaria: nove casos activos en seguimento domiciliario
Por Natalia Puga |
-
Un novo positivo e un paciente curado máis, balance do coronavirus na área sanitaria
Por Natalia Puga |