Un novo positivo e dúas altas reducen a 18 os casos activos de coronavirus na área sanitaria
Por Diego Espiño
Despois de tres xornadas de escalada nas cifras cun aumento considerable de afectados, o balance oficial sobre a Covid-19 ofrecido este luns 27 de xullo pola Consellería de Sanidade reflicte un leve descenso en Pontevedra e O Salnés con respecto ao domingo.
En concreto o Sergas rexistrou un novo positivo por coronavirus na área sanitaria, xunto a dous pacientes que recibiron o alta epidemiolóxica facendo que os 'casos activos' dos que fala o goberno autonómico se reduzan a 18, un menos que o día anterior.
De todos eses casos, unha persoa segue ingresada en planta no hospital pontevedrés de Montecelo, mentres que o resto permanece evolucionando nos seus respectivos domicilios.
Desde o inicio do plan de continxencia curáronse 912 pacientes afectados de Covid na área sanitaria, e faleceron 16 persoas asociadas á pandemia.
No que respecta a os datos a nivel autonómico segue a producirse un aumento nas cifras, xa que segundo a última actualización o número de casos activos de coronavirus en Galicia é de 233, polos 217 do domingo. Deles 58 son da área da Coruña, 90 da de Lugo, 7 da de Ourense, 18 da de Pontevedra, 44 da área de Vigo, 16 da de Santiago, e ningún da de Ferrol.
Do total de pacientes positivos, 1 está en UCI, 12 en unidades de hospitalización e 220 no domicilio. Por agora, en Galicia hai un total de 11.227 persoas curadas, rexistrándose 619 falecementos.
O número de PCR realizadas é de 244.127.
Relacionadas:
-
Soben a dúas as persoas hospitalizadas por Covid na área sanitaria, nunha xornada con tres novos positivos
Por Diego Espiño |
-
Xornada sen cambios no balance de Covid-19 na área sanitaria: sen novos positivos e con 20 casos activos
Por Diego Espiño |
-
Os casos activos de Covid soben a 20 en Pontevedra e O Salnés tras rexistrarse dous novos positivos
Por Diego Espiño |
-
Pontevedra ten reserva de máscaras e xel hidroalcohólico para tres meses
Por Alejandro Espiño |
-
Sete positivos e un paciente ingresado en Montecelo no terceiro día de escalada de casos de Covid na área sanitaria
Por Diego Espiño |
-
Os casos de Covid-19 dispáranse na área sanitaria, con 5 novos positivos e 15 casos activos
Por Diego Espiño |
-
Repunte de casos de Covid na área sanitaria, con 4 positivos rexistrados nas últimas horas e 11 casos activos
Por Diego Espiño |
-
A área sanitaria rexistra nas últimas 24 horas dous pacientes curados e dous positivos novos por coronavirus
Por Natalia Puga |