Moraña manterá o asado da Festa do Carneiro ao Espeto pero a comida, en cada casa
Por Redacción
O Concello de Moraña presentou este sábado o formato da 51ª Festa do Carneiro ao Espeto nun acto celebrado na Carballeira de Santa Lucía.
A novidade chega na confirmación de que se manterá o asado popular ao aire libre o domingo 26 de xullo, pero a comida e degustación trasladaranse ás casas dos veciños por seguridade sanitaria.
"Na fase de nova normalidade non podemos facer as mesmas cousas que antes, pero si que podemos facer cousas e por iso, con moita prudencia e responsabilidade, imos organizar unha Festa do Carneiro ao Espeto segura, que axudará a manter os nosos costumes e favorecerá a reactivación económica e social", sinalou a alcaldesa, Luisa Piñeiro, sobre a decisión.
"Imos tentar facer o xantar máis grande da historia da festa con 4.200 comensais, tantos como veciños, espallados por todos os fogares do concello", engadiu a rexedora.
Falta aínda decidir se o asado dos carneiros realizarase na Carballeira, como de costume, ou se se traslada á chaira do Multiusos para garantir a distancia recomendable.
O que está previsto, segundo explicaron na presentación, é que os comensais se acheguen ata a zona co seu vehículo a través dun carril seguro para levar o seu xantar para casa.
Os lotes, que sairán á venda nos próximos días, manterán o seu prezo habitual de 300 euros para 20 persoas, pero nesta ocasión especial tamén haberá a opción de comprar medio lote, que será de 150 euros para 10 persoas.
Relacionadas:
-
A Ruta dos Artistas de Moraña, punto de partida para a Festa do Carneiro ao Espeto máis inusual
Por Redacción |
-
‘Espétalle un Pincho’ abre esta fin de semana as celebracións do ‘Carneiro ao Espeto’ de Moraña
Por Redacción |
-
De Vacas, Touriñán, Luis Emilio Batallán e Queimán e Pousa encabezan o programa da 51 Festa do Carneiro ao Espeto
Por Redacción |
-
Aberta a reserva de lotes da Festa do Carneiro de Moraña para celebrar o xantar de exaltación nas casas
Por Redacción |
-
Moraña mantén pechados os parques e retomará a feira quincenal de Santa Lucía
Por Redacción |
-
Moraña inicia os preparativos da Festa do Carneiro ao Espeto adaptada á nova normalidade
Por Redacción |
-
Moraña reformula a Festa do Carneiro ao Espeto e elimina a comida multitudinaria
Por Redacción |
-
Moraña aposta por "agardar un pouco" antes de suspender os eventos deportivos previstos para o verán
Por Redacción |
-
O Carneiro ao Espeto inicia o camiño para ser festa de interese turístico nacional
Por Redacción |