Campo Lameiro crea un banco de empresas para reactivar a economía local
Por Redacción
O Concello de Campo Lameiro pon en marcha unha plataforma, chamada Campo Lameiro de todo para todos, co obxectivo de revitalizar a economía local fronte á crise derivada da Covid-19. Esta iniciativallegará cunha páxina web que se converterá nun escaparate interactivo virtual de comercios e servizos existentes no municipio.
A intención do equipo de goberno é concienciar á cidadanía de Campo Lameiro da necesidade de comprar, consumir e recorrer para calquera servizo ao tecido empresarial local. Para iso, o Concello recompila datos de establecementos comerciais, autónomos, empresas, industrias e emprendedores que serán ofrecidos á cidadanía.
"Pretendemos que esta iniciativa sirva de escaparate interactivo virtual onde calquera veciño ou veciña de Campo Lameiro poida satisfacer calquera necesidade, practicamente sen saír da casa", explicou o alcalde, Carlos Costa, quen desvelou que nos usuarios poderán atoparse "pequenos vídeos, fotografías de produtos e servizos e un sistema de xeolocalización para facilitar o seu acceso, teléfono, pedidos por Whatsapp ou Facebook" na plataforma.
"En definitiva, queremos explicarlle á xente que en Campo Lameiro temos de todo e para todos", concluíu o rexedor.
Relacionadas:
-
Campo Lameiro activa o seu escaparate comercial virtual a través da súa nova páxina web
Por Redacción |
-
Campo Lameiro recupera a súa feira, a primeira do estado de alarma
Por Redacción |
-
VÍDEO.- O cura de Campo Lameiro pide axuda aos Reis Magos, Peppa Pig e os Minion para loitar contra o coronavirus
Por Natalia Puga |
-
Campo Lameiro recoñece o "bo comportamento" de 150 menores de 14 anos cun diploma
Por Redacción |
-
Alcalde e edís de Campo Lameiro doan o seu salario para mercar unha sulfatadora
Por Redacción |