VIDEO.- O IES Chan do Monte baila ao ritmo de 'Safe and Sound' contra o coronavirus
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Cada vez son máis os profesores que se atreven a gravar un vídeo para animar ás súas respectivas comunidades educativas durante este confinamento decretado pola expansión do coronavirus polo noso país. Un dos últimos casos, o claustro do IES Chan do Monte.
Hai case un mes que as clases están suspendidas. Esa foi unha das primeiras medidas tomadas en Galicia pola alerta sanitaria. Desde entón, o alumnado está na casa e traballa como pode, coa supervisión dos seus pais e dos seus titores, mediante medios telemáticos.
Mestres e mestras deste instituto de Marín quixeron publicar este vídeo no que, mediante un avión de papel como fío condutor, envíanse mensaxes de ánimo que fan extensibles a todos os seus alumnos.
Neste divertido vídeo, que toma prestada a popular canción Safe and Sound da banda estadounidense Capital Cities, os profesores confían en que esta situación pronto pasará e pídenlle ao seu alumnado que "non deixe de sorrir" nestes momentos.
O profesorado do IES Chan do Monte anima a corentena cun divertido vídeo
© IES Chan do Monte
Relacionadas:
-
A Xunta reparte máis de 3.000 ordenadores escolares nas comarcas de Pontevedra, Caldas e O Salnés
Por Redacción |
-
VÍDEO.- O alumnado do colexio Doroteas anima a seguir quedándose na casa
Por Redacción |
-
VÍDEO.- A falta de comida familiar, benvido sexa un videoclip
Por Natalia Puga |
-
O profesorado de Tenorio versiona a Estopa e Rozalén para animar á comunidade escolar
Por Redacción |
-
VIDEO.- Os mestres das Doroteas téñeno claro: "Queda na casa. Todo vai a saír ben"
Por Alejandro Espiño |