Meniños e Secretariado Xitano colaboran co Concello para asegurar o acceso á educación das familias máis vulnerables
Por Redacción
A concellería de Benestar Social de Pontevedra está a traballar estes días en coordinación coas fundacións Meniños e Secretariado Xitano para asegurar que os menores con menos recursos dispoñan de todo o material educativo necesario para continuar coa súa formación.
"Resulta esencial para evitar que a suspensión das clases incremente aínda máis as diferenzas sociais", explica a concelleira Paloma Castro, a importancia deste programa.
Desde Meniños están a atender a unhas corenta familias. Este seguimento baséase na comprobación da realización das tarefas escolares e dos medios tecnolóxicos dos que dispoñen. Para facilitar o labor, contactan cos colexios co obxectivo de resolver as dificultades que xurdan e facilitan a pais e nais ferramentas para o uso positivo do tempo de lecer, a organización horaria e ela xestión de conflitos.
A función da Fundación Secretariado Xitano é similar. A través do programa Promociona, os traballadores sociais ocúpanse de atender as dificultades que poidan xurdirlle aos alumnos co material e o traballo proposto desde os centros educativos.
Ademais, coordínanse cos profesores para que teñan en conta estas limitacións á hora de propoñer tarefas. E os propios profesores da Fundación encárganse de propoñer actividades de reforzo personalizadas e prestar atención directa a través de videollamadas ou whatsapp.
Todo o necesario para manterse ao día nas súas obrigacións escolares, "fáiselles chegar aos seus domicilios, en zonas rurais de difícil acceso, por medio de Protección Civil unha vez por semana", conclúe a edila Castro acerca do modo no que prestan servizo educativo ás familias máis vulnerables.
Relacionadas:
-
Aumentan os casos de agresións e baixas do persoal polo confinamento no centro de menores de Pontevedra
Por Redacción |
-
Medio milleiro de pontevedreses reciben alimentos na porta das súas casas
Por Redacción |
-
O Concello de Poio vixía que ninguén se quede sen acceso á educación por falta de recursos
Por Oskar Viéitez |
-
Nove psicólogos ofrecerán terapia psicolóxica e desafogo emocional en Pontevedra
Por Alejandro Espiño |
-
Un restaurante de Praceres dará de comer aos nenos con bolsa para os comedores escolares
Por Alejandro Espiño |
-
Pontevedra crea un grupo de voluntarios que queiran axudar a colectivos vulnerables
Por Redacción |
-
O Concello contacta con máis de 3.000 pontevedreses de máis de 65 anos que residen sós
Por Oskar Viéitez |