Sanidade xa fai en Pontevedra as probas no coche para detectar o coronavirus
Desde as catro da tarde, a área sanitaria de Pontevedra comezou a realizar probas rápidas para detectar o coronavirus en pacientes con síntomas sen que estes teñan que saír do coche.
Este sistema, denominado CovidAuto, estreouse con éxito no hospital Meixoeiro de Vigo e estendeuse ao resto de áreas sanitarias galegas.
A directora asistencial da área pontevedresa, Sonia Fernández-Arruty, explicou que este método de detección do coronavirus busca "axilizar" a extracción das mostras daqueles pacientes sospeitosos de que poidan parecer a infección por coronavirus.
Esta extracción realizarase "sempre con cita previa", segundo Fernández-Arruty, que concederá o servizo de Medicina Preventiva do complexo hospitalario de Pontevedra, comunicando aos pacientes a data e a hora na que terán que acudir a facer esta proba de detección.
No caso da cidade de Pontevedra, habilitouse o aparcamento do Recinto Feiral para a realización destas probas, onde os pacientes terán que acudir "a poder ser sós", lembrou a directora asistencial.
Alí haberá un equipo extractor "que estará a lles esperar xa coa solicitude feita" e, unha vez retirada a mostra, esta enviarase ao servizo de Microbioloxía.
O Sergas entende que esta forma de extracción "permítenos ser áxiles á hora de extraer a mostra e tamén para ter o resultado".
O mesmo día da proba, ou ao día seguinte como máximo, o Sergas chamará ao paciente para informarlle se deu positivo polo COVID-19.
Na súa estrea, estaban citados unha vintena de pacientes. As probas continuarán durante os próximos días.
Relacionadas:
-
Abren un CovidAuto no Hospital Montecelo para aumentar a capacidade de diagnóstico
Por Natalia Puga |
-
Recomendan non circular preto do Recinto Feiral o sábado á mañá ao estar citadas 1.700 persoas para vacinarse
Por Redacción |
-
Recuperan o COVID-Auto do recinto feiral para aumentar a cantidade de test a pacientes da área sanitaria
Por Redacción |
-
Os test rápidos do "Covid-Auto" trasládanse ao exterior do Hospital Provincial
Por Redacción |
-
A comunidade chinesa de Pontevedra doa 2.000 máscaras e material de protección á cidade
Por Alejandro Espiño |
-
A televisión será un servizo gratuíto nos hospitais de Pontevedra
Por Redacción |
-
A área sanitaria suma 24 novos positivos por coronavirus nun día e por primeira vez un entra na UCI
Por Natalia Puga |
-
As probas rápidas para detectar o coronavirus desde o coche faranse tamén en Pontevedra
Por Alejandro Espiño |