As probas rápidas para detectar o coronavirus desde o coche faranse tamén en Pontevedra
Por Alejandro Espiño
As probas rápidas para detectar o COVID-19, que se realizan desde onte no hospital Meixoeiro de Vigo, chegarán a Pontevedra. Así o confirmaron fontes oficiais do Servizo Galego de Saúde.
A partir de mañá venres estes test, que permite ao persoal sanitario coller mostras do paciente sen que este teña que saír do seu coche, faranse no Recinto Feiral.
Este sistema, lembran desde o Sergas, só estará habilitado para persoas que sexan sospeitosas de contraer o coronavirus.
A proba só se realiza por prescrición médica e a aqueles que se lles asigne cita previa, algo que xestiona o 061. Unha vez autorizado, o paciente recibirá as instrucións sobre como chegar ao momento de toma, no caso de Pontevedra o Recinto Feiral.
A partir de aí, ordénaselle ao paciente que non saia da casa baixo ningún concepto ata que non saiba o resultado da proba.
O mesmo día da proba, ou ao día seguinte como máximo, o médico chamará ao paciente para informarlle se deu positivo polo COVID-19.
Cada proba, que se realiza nun período de tan só cinco minutos, permite ademais evitar os desprazamentos dos facultativos aos respectivos domicilios dos pacientes e, ao mesmo tempo aforrar en equipos de protección individual.
Este sistema permite ademais desatascar os laboratorios dos centros hospitalarios e realizar máis probas á poboación, unha das recomendacións da Organización Mundial da Saúde para loitar contra esta pandemia.
Relacionadas:
-
Os test rápidos do "Covid-Auto" trasládanse ao exterior do Hospital Provincial
Por Redacción |
-
"Despois de once días de incerteza conseguín saber o resultado do test PCR"
Por Marisa Ciordia |
-
Sanidade xa fai en Pontevedra as probas no coche para detectar o coronavirus
Por Alejandro Espiño & Diego Torrado |
-
Pontevedra rexistra 59 positivos por coronavirus, once no hospital e 48 nos seus domicilios
Por Alejandro Espiño |
-
Aumentan a 47 o número de positivos por coronavirus na área sanitaria de Pontevedra, 8 no hospital
Por Natalia Puga |
-
ADOS emitirá xustificantes ás persoas que acudan a doar sangue para evitar que sexan sancionados
Por Diego Espiño |
-
O Sergas reprograma consultas, probas diagnósticas e cirurxías nos hospitais
Por Natalia Puga |