María Ramallo pide aos marinenses "que non se dean acumulacións nos supermercados"
Por Redacción
Do mesmo xeito que no resto do Estado, Marín afánase en cumprir as medidas de prevención impostas para tentar frear o alcance do coronavirus Covid-19.
Por esa razón a alcaldesa, María Ramallo, quixo agradecer este domingo a "implicación e respecto" dos veciños da vila á hora de poñelas en práctica.
A rexedora marinense lembrou que "no caso de ter que realizar algún desprazamento, cumpramos tamén todas as medidas de hixiene e de prevención adoptadas", tales como manter a distancia de seguridade de entre un metro e medio e dous con outras persoas.
Doutra banda "rogamos que non se dean acumulacións nos supermercados e centros de alimentación, porque poderán atoparse todos os alimentos de primeira necesidade sen ningún tipo de problema", manifestou.
Ademais a alcaldesa tamén pide aos seus veciños que "traten de utilizar os medios telemáticos e telefónicos sempre que sexa posible" para así evitar saír dos seus domicilio particulares.
No caso de ter que facelo, o Concello de Marín lembra cales son as excepcións permitidas á medida de confinamento domiciliario establecido co estado de alarma, como son:
- Adquisición de alimentos, produtos farmacéuticos ou de primeira necesidade.
- Asistencia a centros sanitarios debido a unha urxencia
- Desprazamento ao lugar de traballo
- Retorno ao lugar de residencia habitual en caso de atoparse fóra de casa
- Asistencia e coidado aos maiores, menores, dependentes, persoas con discapacidade ou persoas especialmente vulnerables
- Desprazamento a entidades financieiras
- Por causas de forza maior ou de primeira necesidade
- Calquera actividade de análoga natureza debidamente xustificada, como baixar o can.
Por último María Ramallo en nome de todo o goberno local quixo facer extensivo o agradecemento de toda a corporación cara aos profesionais sanitarios.
Relacionadas:
-
O Concello de Marín chamará a diario aos maiores de 80 anos que viven sós para saber como están
Por Redacción |
-
Marín tramita tres novas denuncias e a alcaldesa pide colaboración por estar "no peor momento" da pandemia
Por Redacción |
-
O sector agrogandeiro traballa con normalidade para abastecer os mercados
Por Oskar Viéitez |
-
Marín pecha praias, canchas deportivas ao aire libre e parques infantís das parroquias
Por Natalia Puga |
-
Pablo Novas, edil de Medio Rural en Marín, dá positivo por coronavirus
Por Redacción |