Marín pecha praias, canchas deportivas ao aire libre e parques infantís das parroquias
Por Natalia Puga
O Concello de Marín decretou o peche das baixadas ás praias do municipio, dos parques infantís situados nas parroquias (os do centro urbano xa estaban pechados desde este venres) e as canchas deportivas que hai ao aire libre.
As actuacións realizáronse en coordinación ca Policía Local, que tamén trata de de velar polo cumprimento expreso das medidas decretadas pola Xunta de Galicia e polo Ministerio de Sanidade para afrontar a crise sanitaria provocada polo coronavirus, unha crise que precisa da implicación individual, actuando con responsabilidade e cumprindo estritamente con todas as recomendacións.
O teléfono da Xefatura da Policía Local é un punto de atención á cidadanía moi importante que está sendo moi utilizado, polo que se reforzará a atención telefónica para poder atender correctamente a todas aquelas persoas que precisen utilizar esta vía de comunicación.
O Concello e a Policía instan á cidadanía e aos establecementos afectados polas novas medidas adoptadas a cumprir con todo o establecido.
Relacionadas:
-
O BNG pide o peche dos parques infantís de Marín polo aumento de casos de Covid-19
Por Redacción |
-
María Ramallo pide aos marinenses "que non se dean acumulacións nos supermercados"
Por Redacción |
-
O Grove pecha todas as praias tras a chegada de visitantes
Por Redacción |
-
A Policía Local de Poio precinta as praias e vixía o cumprimento das medidas adoptadas polo Goberno
Por Redacción | Creada e actualizada
-
Sanxenxo ordena o peche das praias tras a chegada de visitantes nos últimos días
Por Natalia Puga |