Os pontevedreses responden: a corentena deixa a cidade deserta
Por Natalia Puga
A corentena colectiva imposta polo Goberno do Estado dentro das medidas para frear o avance do coronavirus en toda España tivo unha resposta inmediata entre a cidadanía de Pontevedra. Este sábado, tras as directrices da Xunta de Galicia de peche de todos os comercios que ofrecen produtos non esenciais, as rúas e prazas apenas tiñan presenza humana. Este domingo, xa co Estado de Alarma activado e as restricións de desprazamentos de orde estatal, a imaxe que deixa é a dunha cidade deserta.
Os pontevedreses responderon e na mañá deste domingo é posible saír de casa, acudir á panadería para comprar produtos básicos e regresar sen cruzarse con máis persoas que as que están dentro do establecemento comercial. No interior, ademais, tanto a clientela como os traballadores respectan as distancias de seguridade, deixan un metro na cola e non se pegan ao mostrador.
As restricións de desprazamentos asociadas ao Estado de Alarma confinan a toda a cidadanía en casa polo menos durante 15 días e a choiva que empezou a caer a media mañá deste domingo fixo o resto, disuadindo de saír á rúa a quen puidesen estar tentados a facelo a pesar das restricións.
Os cidadáns unicamente poden circular polas vías de uso público para acudir a tendas de alimentación, centros sanitarios, farmacias e postos de traballo, pero tamén poderán moverse aqueles que en nos últimos días deixaran a súa casa e agora queiran regresar ao seu lugar de residencia habitual e quen deba encargarse da asistencia e coidado a maiores, menores, dependentes, persoas con discapacidade ou persoas especialmente vulnerables ou necesiten acudir a entidades financeiras.
O decreto aprobado establece que tamén se pode circular por causa de forza maior ou situación de necesidade e que estas restricións de movementos afectarán á circulación de persoas e de vehículos particulares polas vías de uso público para a realización das actividades autorizadas ou para a reposición en gasolineiras ou estacións de servizo. Eses desprazamentos, ademais, terán que ser individuais.
Relacionadas:
-
A corentena ameaza con mandar á quebra autónomos de diversos sectores en Pontevedra
Por Manu Otero |
-
Primeiro día laborable con estado de alarma: menos xente pola rúa e establecementos con distancia de seguridade
Por Natalia Puga & Diego Torrado |
-
Os Paradores de Pontevedra e Cambados súmanse ao peche ante o estado de alarma
Por Redacción |
-
VIDEO.- Un mozo de Barro improvisa unha verbena na súa terraza para animar os seus veciños
Por Alejandro Espiño |
-
Indignación nas redes sociais polos pontevedreses que se resisten a deixar o 'running'
Por Almu Dapena |
-
O papel da Garda Civil e as policías Local, Nacional e Autonómica durante o estado de alarma
Por Redacción |
-
O comercio bota a persiana, pero permitiranse salóns de peiteado, tinturerías e ópticas e a venda por Internet
Por Natalia Puga & Alejandro Espiño | Creada e actualizada
-
Rúas e prazas baleiras: os pontevedreses confínanse para loitar contra o coronavirus
Por Diego Torrado & Natalia Puga |
-
A poboción só podrá saír da casa de xeito individual e para compras de primeira necesidade, atención médica e traballo
Por Natalia Puga & Alejandro Espiño | Creada e actualizada
-
Decretado o estado de alarma en toda España para frear o coronavirus
Por Natalia Puga | Creada e actualizada