Un ferido por agresión e cinco atendidos por intoxicacións etílicas, balance da Noitevella
Por Natalia Puga
A Noitevella foi tranquila en Pontevedra. As primeiras horas do ano 2020 encheron de xente as rúas da cidade, pero, pese á cantidade de persoas que saíron de festa, o balance resultou dunha madrugada sen apenas incidentes. Tan só se rexistraron nos centros sanitarios da cidade cinco casos de consumo excesivo de alcol e unha persoa ferida nunha agresión.
Segundo o balance facilitado pola área sanitaria de Pontevedra, no centro de saúde da Parda o persoal de garda atendeu tan só a unha persoa por unha patoloxía que se poida asociar á festa da primeira madrugada do ano, intoxicación etílica.
No servizo de Urxencias do Hospital Montecelo a actividade directamente relacionada coa Noitevella foi maior. Chegou ás instalacións unha persoa que fora vítima dunha agresión e catro tiveron que ser atendidas por intoxicación etílica.
A nivel policial, durante a noite houbo un despregamento especial de medios das policías Local e Nacional. A Policía Nacional destaca que non se produciron feitos relevantes nin detencións durante a noite.
Relacionadas:
-
Mobilizan a policías e bombeiros porque se lle quedou un brazo atrapado en Valle Inclán
Por Redacción |
-
Pretende terminar o ano cun festín de lagostinos, centola e costeleta de tenreira e facer un 'simpa'
Por Natalia Puga |
-
Unha condutora bébeda sofre un accidente ao chocar cun turismo estacionado en Estribela
Por Natalia Puga |
-
Xabi, un fillo buscado e esperado que se adiantou 20 días para ser o primeiro bebé do ano en Pontevedra
Por Natalia Puga & Diego Torrado | Creada e actualizada
-
Dúas intoxicacións etílicas nunha Noitevella con nivel de actividade "normal" en Pontevedra
Por Redacción | Creada e actualizada
-
Seis intoxicacións etílicas e dúas agresións, balance da Noitevella en Pontevedra
Por Redacción |
-
Tres persoas con intoxicación etílica, balance dunha Noitevella "tranquila" en Urxencias
Por Redacción |