Piden licenza para construír un novo edificio nas parcelas de Tafisa
Por Diego Espiño
A Unidade de Actuación 7, ou o que é o mesmo os terreos que ocupaba a fábrica de Tafisa en Pontevedra, recibiu un novo impulso este venres coa solicitude para construír un dos edificios proxectados na zona.
Así o explicou o concelleiro de Urbanismo, Xaquín Moreda, tras presidir a comisión municipal da área.
En concreto, a promotora que se atopa actualmente construíndo na zona dous edificios con 92 vivendas e 189 prazas de garaxe tramitou a solicitude para levantar unha nova construción.
Este edificio, situado na parcela contigua á que se atopa en proceso construtivo, contará con baixo, seis plantas e baixo cuberta con 166 vivendas, segundo sinalou o edil.
Desta forma, cunha terceira parcela de diferente propiedade en proceso de estudo, quedaría cuberta a maior parte da edificabilidade desta zona pegada ao río Lérez.
"O que se aprecia é que hai movemento na construción, empeza a repuntar", valorou Xaquín Moreda, para quen esta unidade de actuación en Tafisa reflicte un "espello" do sector, ao pararse durante anos debido á crise e ver como agora empeza a reactivarse.
Relacionadas:
-
Promoven un novo centro para a terceira idade con vivendas estilo cohousing na zona de Tafisa
Por Natalia Puga |
-
O prezo medio da vivenda en Pontevedra cae un 3,8% no último ano
Por Alejandro Espiño |
-
O xulgado saca a poxa tres solares en Tafisa para reclamar 21 millóns de euros
Por Oskar Viéitez |
-
As promocións inmobiliarias de Tafisa, en marcha coa primeira licenza
Por Redacción |
-
Así quedaría a urbanización de Tafisa se segue adiante o proxecto de 200 vivendas
Por Natalia Puga |