Sete anos tecendo en público: a calceta está de moda
Por Redacción
O encontro 'Tecer en público' que cada ano organiza Lanas Teresa Tobío nas galerías da Oliva celebrou este venres a súa sétima edición demostrando a boa saúde da iniciativa, pois contou con 62 participantes.
A cita anual coa calceta foi, por tanto, todo un éxito que na tarde deste venres encheu o primeiro corredor das galerías de la e do xa habitual ambiente de confraternidade entre os participantes.
'Tecer en público' conta coa colaboración do Concello de Pontevedra, que achega cadeiras e mesas para dar cabida a todos os inscritos e, ademais, entrega un agasallo a todos os participantes.
Este encontro de calceta organízase con motivo do Día Mundial de Tecer en Público organizado a nivel global cada primeira quincena de xuño para citar a persoas que tezan xuntas o mesmo día nun lugar público. O obxectivo é sacar as agullas á rúa e mostrar ao mundo que tecer non só cousa de avoas. Tecer está de moda e este venres demostrouno coa súa cifra récord de participantes na Oliva.
Relacionadas:
-
As galerías da Oliva resisten a ritmo de calceta e ganchillo
Por Manu Otero & Mónica Patxot |
-
Trucos de calceta con selo pontevedrés para vestir bebés de Francia, México ou os países nórdicos
Por Natalia Puga & Mónica Patxot |
-
O club da calceta reúnese na Oliva
Por Oskar Viéitez & Mónica Patxot |
-
Agullas, la e a tecer á Oliva!
Por Mónica Patxot & Redacción |