Media tonelada de alimentos, recollidos no desfile solidario #BarroFashion
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/396/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c4de7281d-img_7390.jpg)
© Asociación Cultural Amigos da Fervenza da Barosa
![](/web/cache/scene/uploads/fotos/foto/1f7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/5c4de792dd-img_7383.jpg)
© Asociación Cultural Amigos da Fervenza da Barosa
Novos deseñadores tanto de xoias como de moda acudiron á cita anual do desfile solidario #BarroFashion, organizado pola Asociación Cultural Amigos da Fervenza da Barosa, que se celebraba no Pazo da Crega do municipio de Barro durante a noite deste sábado.
Nesta ocasión, o éxito de participación permitiu recadar media tonelada de alimentos para os servizos sociais do Concello, que serán trasladados a familias en situación de risco.
Para acceder a esta cita solidaria era necesario entregar un quilo ou un litro de alimentos. Ademais, nesta edición tamén participou a Taponeta Solidaria, unha iniciativa de Enrique Magdalena para recoller tapóns e axudar a menores que sofren distintas enfermidades con necesidade de tratamentos custosos.
Numerosas tendas de Barro e da súa contorna participaron nesta proposta na que non faltou a música nin a danza contemporánea.