Barro blíndase fronte á vespa velutina, que prolifera coa chegada do bo tempo
Por Redacción
O grupo veciñal para eliminación da vespa velutina e o Concello de Barro blindaron este sábado o municipio fronte a esta especie cunha actividade de elevada participación veciñal. Organizaron unha saída para colocar trampas en varios puntos do municipio.
Os voluntarios deste grupo que pertencen á Asociación Stop Velutina Umia e coordina en Barro o primeiro tenente alcalde, José Sanmartín, saíron a colgar trampas por lugares con árbores con flores e preto de espazos e locales singulares para crear conciencia cidadá.
Despois de facer mais dunha ducia de charlas na comarca, e dado que estamos nunha semana decisiva debido á tregua que lles daáo tempo ás velutinas, decidiron dar un paso máis e saír á procura destes avespas.
O mal tempo das últimas semanas axudara a que o problema non se propagara aínda moito este ano, pero esta semana, coa mellora das condicións meteorolóxicas, centos de raíñas volveron aparecer no municipio, de modo que temen que este ano volva ser complicado para combatelas.
Este grupo de traballo de Barro xa acadou entre xullo e decembro de 2017 a eliminación de máis de 125 niños en colaboración cos apicultores e membros das agrupacións de Protección Civil de Portas, Cuntis e Barro.
Relacionadas:
-
Veciños de Barro sofren ataques de avespas velutinas
Por Redacción |
-
Unha veciña de Barro recibe asistencia médica ao ser picada por tres avespas velutinas
Por Redacción |
-
Ofensiva de Marín contra a avespa velutina
Por Redacción |
-
Barro capturou 800 raíñas de velutina no último mes
Por Redacción |
-
A avespa asiática sae do seu letargo invernal, é o momento de actuar
Por Oskar Viéitez |
-
A asociación comarcal para a loita contra a velutina pon en marcha as primeiras accións
Por Redacción |
-
Impulsan a primeira asociación comarcal contra a vespa velutina
Por Redacción |
-
Queren crear unha asociación no Umia de loita contra a praga da avespa asiática
Por Redacción |