Marín non remunicipalizará a piscina e sacará unha nova concesión
Por Redacción
A piscina municipal de Marín seguirá estando xestionada por unha empresa privada. Así o anunciou o responsable de Deportes, Antonio Traba. O Concello iniciou os trámites para licitar unha nova concesión, ao caducar a actual dentro duns meses.
O goberno opta por aprobar un novo prego de condicións para a piscina, ao entender que este sistema de xestión indirecta é a mellor para os intereses municipais.
Ademais, Traba apunta que esta fórmula permite unha xestión máis eficaz das instalacións, ao contar cunha empresa especializada, e lembra o concello non pode xestionar este servizo contratando máis persoal con cargo da o persoal municipal.
Esta resposta prodúcese despois de que, no último pleno, Marea Marín presentase unha moción para propoñer recuperar a xestión das instalacións e que o servizo pasase a estar prestado por empregados públicos.
Esta moción foi rexeitada por PP e PSdeG-PSOE. Só contou co apoio do BNG.