O TSXG da a razón a Víctor Pedreira no seu preito co Sergas pola súa destitución como xefe de Psiquiatría do CHOP
Por Oskar Viéitez
O Tribunal Superior de Xustiza de Galicia (TSXG) deu a razón a Víctor Pedreira na súa demanda contra o Sergas pola súa destitución como xefe de Psiquiatría do CHOP.
O alto tribunal galego vén ratificar a sentenza do contencioso administrativo de Pontevedra que o Sergas recorrera.
Agora o TSXG desestima o recurso da Xunta e obriga a retrotraer os feitos á situación anterior.
Víctor Pedreira valorou que a sentenza do TSXG é "sinxelamente demoledora" debido a que "rebate un a un os argumentos usados polo Sergas no seu recurso, desestímao na súa totalidade e confirma en todos os seus extremos a sentenza previa do contencioso administrativo".
O fallo xudicial anula as decisións daquela Comisión de Avaliación, "asegura que actuou de maneira totalmente parcial beneficiando a un candidato en detrimento do outro, que realizou un desvío de poder e conculcou no meu caso os dereitos de igualdade, mérito e capacidade".
Víctor Pedreira xa está xubilado polo que esta sentenza supón, fundamentalmente, un triunfo moral para o afectado, aínda que tamén debería ter consecuencias económica xa que o seu cesamento como xefe de servizo repercutiu no cálculo da súa pensión. En todo caso, a praza de xefe de Psiquiatría debe volver convocarse.
Relacionadas:
-
A directora xeral de Recursos Humanos do Sergas rexeita as acusacións de "nepotismo" do PSOE
Por Redacción |
-
A xustiza obriga o Sergas a cesar a Isauro Gómez Tato como xefe de Psiquiatría do CHOP
Por Oskar Viéitez |
-
Pacientes do Provincial deseñan bolígrafos no marco da campaña de Nadal "psiquiatría con corazón"
Por Redacción |
-
O PSOE pide o cesamento do xerente do CHOP por "nepotismo"
Por Oskar Viéitez |
-
A Xunta de Persoal remítelle unha carta ao conselleiro de Sanidade para pedir o cese do xerente
Por Oskar Viéitez |
-
O Sergas terá que volver adxudicar a Xefatura de Psiquiatría do Chop
Por Oskar Viéitez |
-
O TSXG recrimina ao xerente do CHOP a forma en que cesou un xefe de servizo
Por Redacción |