A directora xeral de Recursos Humanos do Sergas rexeita as acusacións de "nepotismo" do PSOE
Por Redacción
O voceiro de Sanidade do grupo socialista, Julio Torrado, reclamaba na comisión paralmanetaria deste mércores unha resposta por parte do Sergas en relación á anulación por sentenza xudicial firme do concurso para a designación do xefe de Psiquiatría do Complexo Hospitalario de Pontevedra, que se realizou en 2012, cando era xerente José Manuel González, ex conselleiro de Sanidade.
Os socialistas sinalaban que a sentenza amosa un xogo irresponsable de maltratar o sistema, retorcer os procedementos en favor dos "amiguetes" e en prexuízo dos pacientes ao adoptar decisións criterios partidistas ao impedir que Víctor Pedreira puidera continuar como xefe do servizo de Psiquiatría e convocar un novo proceso de selección, que finalmente foi derrubado polo Tribunal Superior de Xustiza de Galicia.
Esta sentenza fíxose firme en 2017 cando o afectado, o doutor Pedreira, xa se xubilara.
O PSOE acusaba á Xunta na comisión de actuar como "cómplice de nepotismo" ao ter tardado en adoptar a sentenza xudicial ata que a xuíza emitiu un auto de execución neste 2018.
A directora xeral de Recursos Humanos do Sergas, Margarita Prado, comparecía nesta comisión para indicar que a sentenza non sinalaba que algún dos dous candidatos fora mellor que o ooturo e que a Consellería de Sanidade está a executar o fallo co cese do xefe do servizo de Psiquiatría e aposta en marcha dun novo procedemento coas garantías de transparencia.
Prado afirmou que desde 2013 se veñen realizando máis de 100 convocatorias para a elección de xefaturas de servizo e que só en casos "que se contan cos dedos da man" hai que repetir os procesos.