O comité de empresa de Elnosa pide a Ana Ortiz que presione para acelerar a concesión de Costas
Por Anxo Lourido
Representantes do comité de empresa de Elnosa co presidente Avelino García á cabeza, reuníanse este mércores 14 coa subdelegada do Goberno en Pontevedra, Ana Ortiz. Querían transmitirlle a súa preocupación polo atraso que leva o expediente de solicitude da prórroga de concesión da utilización dos terreos de Lourizán. A Ana Ortiz solicitáronlle que preguntase ao Ministerio de Medio Ambiente sobre este caso.
Os traballadores indican que non entenden por que o expediente de Ence resolveuse nun breve prazo de tempo e, en cambio, o da cloreira non. Reclaman o mesmo trato por parte do Goberno de Mariano Rajoy.
Avelino García mostraba a súa preocupación porque a dirección da CUF, empresa portuguesa propietaria da fábrica, xa alertou de que non investirá en Pontevedra se non se garante a continuidade para despois de decembro deste ano.
O presidente do comité de empresa sinalou que a entidade contratou unha empresa para o estudo de perímetros e respondeu a varias propostas do ministerio. Sinalan que a empresa entregou toda a documentación solicitada pero non recibe contestación.
Segundo o representante dos traballadores, a empresa ten elaborado o plan de desmantelamento e de descontaminación ambiental á espera de que tamén se lles conceda a licenza ambiental integrada, un segundo paso que terían que obter despois da concesión da prórroga de Costas. Avelino García indicou que a empresa propietaria vai pelexar ata que poidan pero móstranse preocupados pola falta de decisións políticas.
Este sábado 17, as familias dos traballadores organizaron un acto de protesta ante o Concello de Pontevedra para reclamar solucións ante o temor do peche da factoría en decembro.
Relacionadas:
-
A Unión Europea prohibe a Elnosa seguir utilizando mercurio a partir de decembro
Por Redacción | Creada e actualizada
-
"Non todo van ser protestas na rúa", os traballadores de Elnosa entregan alimentos ao Comedor de San Francisco
Por Oskar Viéitez |
-
Elnosa solicita á Xunta a súa supramunicipalidade para poder continuar en Lourizán
Por Alejandro Espiño |
-
O persoal de Elnosa protesta contra a "violencia institucional" do Concello e o "sátrapa" de Lores
Por Oskar Viéitez |
-
Intercambio de ideas entre os representantes da Administración do Estado na provincia
Por Redacción |
-
As familias do persoal de Elnosa van concentrarse ante o Concello o sábado 17 de xuño
Por Anxo Lourido |
-
Elnosa, a primeira "peza do puzle" que a marcha contra ENCE busca sacar do complexo de Lourizán
Por Alejandro Espiño & Diego Torrado |
-
CC.OO. Galicia insta a Elnosa e ás administracións a adoptar as medidas necesarias para garantir a continuidade en Lourizán
Por Redacción |