Seis traballos universitarios, recoñecidos na I edición dos premios de igualdade Sofía Novoa Ortiz
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un total de catro traballos universitarios foron os elixidos como gañadores da primeira edición dos premios de igualdade Sofía Novoa Ortiz, convocados pola Deputación de Pontevedra para recoñecer a inclusión da perspectiva de xénero nos traballos de fin de grao e de máster. Ademais, outros dous estudos recibiron senllos accésits.
Na modalidade de traballo de fin de grao, outorgáronse dous premios de 1.000 euros aos traballos de Laura Serén García (de Pontevedra) e Cristina Gandón Villar (de Cangas), respectivamente "A asemblea como recurso educativo para fomentar a igualdade entre os sexos na educación primaria" e "El lenguaje icónico en los libros de texto desde una perspectiva de género y su evolución desde EGB hasta Primaria".
Ademais houbo un accésit de 600 euros para "Impacto psicosocial en la mujer mastectomizada: rol de enfermaría", traballo de Carla Novo (de Vigo).
Pola outra banda, os traballos de Lucía Pereyra García (de Pontevedra) e Isabela Andrés Alonso (de Ourense), isto é, "Evolución da linguaxe non sexista e papel da muller en dous libros de texto de historia (1989 e 2015)" e "There are no ugly women, only lazy ones", foron os que levaron os dous premios de 1.000 euros na modalidade de traballo fin de máster.
Xunto a eles, o accésit de 600 euros foi outorgado a "Igualdad de género: un análisis longitudinal de las imágenes en los libros de enseñanza secundaria obligatoria y el bachillerato unificado polivalente", de Andrea Álvarez Rodríguez (de Vigo).
O xurado dos galardóns, aos que foi candidato o alumnado dos campus de Vigo e de Pontevedra da Universidade de Vigo, estivo presidido pola deputada de Igualdade, Isaura Abelairas e, entre as súas compoñentes, atopábanse a deputada de Emprego, Montse Magallanes, as mestras María Álvarez Lires e Purificación Mayobre, ademais da xefa e unha técnica do servizo de Igualdade da Deputación de Pontevedra.
En total, presentáronse un total de 22 traballos, once para cada unha das dúas categorías.
Relacionadas:
-
Premio para quen visibiliza ás mulleres na educación, "desde onde verdadeiramente se pode cambiar a sociedade"
Por Mónica Patxot & Redacción |
-
Convocan a segunda edición dos premios á igualdade Sofía Novoa Ortiz
Por Redacción |
-
Crean o galardón Sofía Ortiz Novoa para premiar a perspectiva de xénero en traballos universitarios
Por Alejandro Espiño |