Cores Tourís sigue de tour, hoxe: Ponte Caldelas, Cambados e Caldas de Reis
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/02d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/583870aeeb-251116cores-touris-cambados-1.jpg)
© Xunta
![](/web/cache/scene/uploads/fotos/foto/39a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/583870c9e5-archivo-25-11-16-15-28-26.jpeg)
© Xunta
O delegado territorial da Xunta en Pontevedra, José Manuel Cores Tourís, realizou este venres visitas institucionais aos concellos de Ponte Caldelas, Cambados e Caldas de Reis.
PONTE CALDELAS
Entre as principais necesidades que demandou o rexedor de Ponte Caldelas ao delegado territorial atópanse cuestións relacionadas coas infraestruturas e educación.
Andrés Díaz entregoulle un extenso dossier no que se relatan as necesidades deste municipio en asuntos de competencia da administración galega e se expresa o malestar polo trato discriminatorio que se está sufriendo no que atinxe aos investimentos de varias consellerías.
Entre os temas que analizaron durante a reunión se atopou a execución da mellora da PO-234, recordando o delegado territorial que a Xunta de Galicia non pode levar a cabo a ampliación desta estrada se o concello non aporta os terreos necesarios.
Cores Tourís avanzou a Díaz que nos próximos días a conselleira de Infraestruturas, Ethel Vázquez, reunirase cos alcaldes de Ponte Caldelas e Cotobade para analizar a situación deste proxecto e as necesidades do mesmo.
CAMBADOS
No Concello de Cambados onde mantivo unha entrevista co grupo de goberno local que lle trasladou cuestións relativas ao centro de día, a mellora da praza de abastos e a concentración parcelaria de Oubiña.
Fatima Abal, alcaldesa de localidade, tamén se interesou pola posibilidade de que a Xunta execute unha senda peonil entre Cambados e Vilanova pola costa. O delegado territorial insistiu en que se sigue a traballar sobre ela e que nestes intres o plan de camiños rurais xa se atopa rematados.
CALDAS DE REIS
Entre as principais necesidades que demandou o rexedor de Caldas de Reis ao delegado territorial, pola súa banda, atópanse cuestións relacionadas co saneamento, a educación e a sanidade.
O alcalde, Juan Manuel Rey destacou como prioritario a limpeza da cunca do río Bermaña de cara a evitar enchentes coa chegada do inverno. Por outra banda, o alcalde tamén analizou co responsable territorial o avance na busca dos terreos máis axeitados para a execución dun novo centro de saúde no municipio. Rey insistiu en que, en colaboración coa Consellería de Sanidade, estanse a concretar as parcelas máis axeitadas.