As Perseidas, como en Cotobade, en ningún sitio
Por Redacción
A Asociación Astronómica Sirio de Pontevedra organizou durante a noite do venres unha xornada de observación do fenómeno das Perseidas, a popular choiva de estrelas, no Observatorio Astronómico de Cotobade.
Alí, no medio da natureza e cunha agradable noite, os que se achegaron puideron gozar de impresionantes imaxes como a que capturou Jose Gadea.
A noite estivo animada coa música da Asociación de Veciños Eduardo Pondal, os 'Gaiteiros do Gorgullón', con entrada de balde para todo o que quixo acudir a gozar desde un enclave privilexiado dun dos eventos meteorolóxicos máis populares de cada verán.