Á choiva gustoulle o mes de maio
Por Redacción
Á choiva gustoulle o mes de maio e permanecerá varios días máis nas Rías Baixas nesta recta final do mes. As precipitacións darán unha tregua na xornada deste luns, pero as previsións de Meteogalicia apuntan a que volverán este martes 24 e xa lles custará irse, de tal maneira que se agarda auga para tamén para o mércores, hai dúbidas para o xoves e estarán presentes na segunda metade da semana.
Deste xeito, nestes vindeiros días agárdase unha alternancia de períodos de ceos con nubes e claros con outros pouco anubrados ou despexados. mentres que as temperaturas serán normais para esta época do ano, con mínimas en ascenso lixeiro e máximas en descenso moderado.
A inestabilidade irá a máis na segunda metade da semana, cun tempo que virá caracterizado pola presenza dunha borrasca ao oeste da comunidade galega a partir do venres, con pouco movemento, de xeito que as probabilidades de chuvia son altas en xeral en todo o territorio e tamén nas Rías Baixas.
Xa ao comezo da vindeira semana, a partir do luns 30, as previsións de Meteogalicia falan de que o tempo comezará a estabilizarse, diminuíndo a probabilidade de chuvias . As temperaturas non terán cambios significativos.