O sol segue brillando, polo menos, ata o mércores
Por Redacción
O sol seguirá brillando nas Rías Baixas, polo menos, ata o próximo mércores. Segundo as predicións de Meteogalicia, durante os tres primeiros días da semana prevense ceos pouco anubrados ou despexados.
En canto ás temperaturas, serán normais para este período, con mínimas que se manterán sen cambios e máximas que descenderán moderadamente. Para este luns agárdanse mínimas de 8 grados e máximas de 22. O martes as máximas seguirán igual e as mínimas poderán descender ata os 7 grados mentres que o mércores as mínimas se situarían nos 6 grados e as máximas chegarían ata os 21.
A influencia anticiclónica podería ter pequenos empeoramentos transitorios, pero con baixa probabilidade de chuvia en xeral. Nos últimos días da semana, os ventos rolarán a oeste, traendo un aire máis húmido. As temperaturas sufrirán un progresivo, aínda que lento, descenso.
A choiva, que poderá irrumpir de xeito puntual a partir do xoves, estará previsiblemente máis presente a partir do sábado 30 de abril e xa persistirán durante toda a fin de semana.
Relacionadas:
-
Á choiva gustoulle o mes de maio
Por Redacción |
-
Albricias! Chega un anticiclón para a fin de semana
Por Redacción |
-
É mirar Meteogalicia... e deprimirse
Por Redacción |
-
A semana arrinca con chuvascos intermitentes
Por Redacción |
-
Predominio de nubes e claros para os vindeiros días
Por Redacción |
-
Abril chega con inestabilidade meteorolóxica
Por Redacción |