Abril chega con inestabilidade meteorolóxica
Por Redacción
Abril chega ao municipio de Pontevedra cun tempo inestable que protagonizará as vindeiras xornadas. Segundo MeteoGalicia, o ceo caracterizarase pola alternancia de períodos con claros e nubes, case despexados, e con outros moi anubrados.
Este xoves haberá intervalos con chuvascos débiles, mentres que o venres predominarán as nubes altas, sen probabilidades de chuvias. Durante a fin de semana, espéranse precipitacións con un tempo anubrado no que predominaran as chuvias intermitentes.
No referido as temperaturas, esperase un ascenso moderado das mínimas. Pola contra, producirase un lixeiro descenso nas máximas. Así, durante a xornada do venres os termómetros oscilarán entre os 4 e os 13 graos, mentres que o domingo situaranse entre os 9 e os 14 graos. A calidade do aire manterase admisible en xeral.
A influencia das borrascas seguirá presente ao longo da próxima semana. A pesar das altas probabilidades de precipitacións da xornada do domingo, o luns cambiará o vento de compoñente sur a compoñente norte. Consecuentemente, segundo a páxina oficial de meteoroloxía de Galicia, as probabilidades de precipitacións descenderán a medida que avance a semana.