Cotobade esixe de novo á Deputación melloras na estrada que une Xesteira con Almofrei
Por Redacción
O Concello de Cotobade esixirá de novo á Deputación de Pontevedra que desbloquee a mellora da estrada EP-0405, que une Xesteira e Almofrei, ao seu paso por este núcleo. A solicitude irá acompañada de 514 materias cidadás, recollidas ao longo de dúas semanas polos veciños afectados.
O alcalde de Cotobade, Jorge Cubela, explicou que, tras case nove meses de paralización da obra por parte do bipartito provincial, o Concello lanzará unha nova solicitude para que se termine o proceso de adxudicación e empecen os traballos. Tamén advertiu que de non ser así se exporán novas accións reivindicativas.
O proxecto consiste no ensanche da estrada, a supresión dalgunhas curvas, o incremento da visibilidade e a solución ao tránsito simultáneo nun tramo de 750 metros na zona de Almofrei.
Despois das pasadas eleccións de maio e a configuración dun novo goberno na Deputación, a obra leva case nove meses sen efectuar ningún avance nesta actuación, que está pendente de adxudicación despois de que unha vintena de empresas presentasen as súas ofertas. Esta mellora conta cun orzamento de 558.000 euros.
Relacionadas:
-
Cerdedo-Cotobade esixirá á Deputación a mellora integral da estrada de Almofrei comprometida por Louzán
Por Redacción |
-
Recollen sinaturas en Almofrei para que a Deputación mellore a estrada
Por Redacción |
-
Mosquera asegura que a Deputación acometerá a mellora e ensanche da estrada Xesteira-Almofrei
Por Oskar Viéitez |
-
O PP esixe á Deputación que retome o proxecto da estrada Xesteira-Almofrei
Por Redacción |