Mosquera asegura que a Deputación acometerá a mellora e ensanche da estrada Xesteira-Almofrei
Por Oskar Viéitez
O vicepresidente da Deputación, César Mosquera, expresou o compromiso do goberno provincial para retomar o proxecto de mellora e ensanche da EP-0405 Xesteira-Almofrei, en Cotobade.
O asunto foi abordado no pleno extraordinario da institución celebrado este martes a raiz dunha moción presentada polo grupo provincial do Partido Popular na que se demandaba un impulso para este proxecto do anterior goberno de Rafael Louzán.
A moción foi rexeitada cos votos do PSOE e BNG, logo de recriminar o vicepresidente da institución a actitude dos populares.
Mosquera explicou que o goberno que presidiu Rafael Louzán deixou comprometidas numerosas obras con problemas nas actas de replanteo ou sen dotación económica. E ademáis, engadiu que "as respetables investigacións xudiciais paralizaron o normal funcionamento da institución".
"Pero non se preocupen, vaise actuar nela", insistiu César Mosquera antes de explicar que o goberno provincial ía votar en contra da moción porque "coñecendo estas circunstancias non as tiveron en conta á hora de meter presión política".
Pola súa banda, o voceiro popular, Ángel Moldes, volveu este xoves a acusar ao Goberno da Deputación de ter paralizada esta obra, lembrando que xa pasaron oito meses desde a aprobación definitiva do proxecto e seis desde a toma de posesión do actual bipartito e esta obra "urxente" continúa sen adxudicarse e sen executarse, e "con esta negativa os únicos prexudicados son os veciños de Cotobade".
Relacionadas:
-
Cerdedo-Cotobade esixirá á Deputación a mellora integral da estrada de Almofrei comprometida por Louzán
Por Redacción |
-
Cotobade esixe de novo á Deputación melloras na estrada que une Xesteira con Almofrei
Por Redacción |
-
Cortan de madrugada a estrada de Almofrei por risco de derrubamento polas intensas choivas
Por Redacción | Creada e actualizada
-
O PP esixe á Deputación que retome o proxecto da estrada Xesteira-Almofrei
Por Redacción |