No PP de Pontevedra preocupa a intención de Ponte Caldelas de integrarse na Área Metropolitana de Vigo
Por Oskar Viéitez
O portavoz do Partido Popular no Concello de Pontevedra, Jacobo Moreira, trasladou a súa preocupación tras coñecer a recente intención de Ponte Caldelas de integrarse na Área Metropolitana de Vigo.
"Non queremos que Pontevedra se converta nunha aldea", afirmou Moreira argumentando a necesidade de defender a importancia de Pontevedra "non xa como capital de provincia, senón tamén como cabeceira da comarca".
Os populares consideran que a "continua perda de peso" de Pontevedra nos últimos anos "estase a ver agudizada dende a chegada da delegada do alcalde de Vigo á Deputación Provincial", apuntou Jacobo Moreira en referencia a presidenta provincial Carmela Silva.
A esto suma Moreira a intención de Vilaboa de querer integrarse na Área Metropolitana de Vigo, "sen que Lores expresase receo algún; e agora, tamén a intención de Ponte Caldelas de unirse ante o clamoroso silencio do alcalde nacionalista".
"Dóenos escoitar como os municipios veciños rexeitan a Pontevedra, un tras outro, Cerdedo e Cotobade apostan pola súa fusión para non ter que converterse nunha parroquia de Pontevedra polo tratamento que lles damos dende aquí; ou o feito de que Ponte Caldelas renegue de Pontevedra porque aquí non apostamos pola industria", salientou o portavoz dos populares.
Moreira cre que o alcalde de Pontevedra, Miguel Anxo Fernández Lores, "debería abrir os ollos e volver á realidade", apuntou.
"Pontevedra non é unha aldea, senón unha das cidades con maior historia e tradición de Galicia, polo que é necesario defendela", di o presidente local do PP.
Ante esta situación, Jacobo Moreira esixe ao alcalde "unha implicación activa no futuro de Pontevedra como cabeceira da comarca e como capital de provincia", algo que, ao seu xuízo, "non fixo Lores nos 16 anos de Goberno nacionalista".
Relacionadas:
-
Lembran a Jacobo Moreira que é o PP quen dará cobertura legal á capitalidade de Vigo
Por Oskar Viéitez |
-
Díaz e Caballero proxectan o ingreso de Ponte Caldelas na Área Metropolitana de Vigo para aforrar servizos
Por Redacción |
-
Andrés Díaz reunirase con Abel Caballero para valorar a integración de Ponte Caldelas na Área Metropolitana de Vigo
Por Redacción |
-
O alcalde de Ponte Caldelas critica o "localismo máis facilón" do popular Jacobo Moreira
Por Oskar Viéitez |
-
Quere Ponte Caldelas sumarse á área metropolitana de Vigo?
Por Redacción |
-
Só o PP ve "ataques" de Abel Caballero á capitalidade de Pontevedra
Por Alejandro Espiño |
-
O PP levará a pleno unha moción sobre "os continuos ataques de Abel Caballero a Pontevedra"
Por Redacción |