Recta final para a posta en marcha do viveiro de empresas no polígono de Barro-Meis
Por Redacción
A Deputación de Pontevedra vén de aprobar a adxudicación dun contrato por valor de máis de 100.000 euros para que o viveiro de empresas do Polígono de Barro-Meis conte con mobiliario e equipamentos adecuados para comezar a funcionar.
Este contrato de subministro, mediante procedemento aberto, por valor de 119.968,84 euros (IVE engadido) ten por obxectivo a compra de mesas de oficina, mesas auxiliares, electrificación, sillas, sofás, armarios, estanterías, rótulos, directorios, alfombras, percheiros, etc. para que o viveiro de empresas poida acoller, canto antes, ós emprendedores.
Neste espazo, realizaranse ademais, no marco do convenio coa Escola de Organización Industrial e na aposta que a Deputación de Pontevedra ten na creación e impulso do emprego, accións de coworking empregando a metodoloxía Lean Startup, con actuacións de formación e titorización de persoas, promovendo o traballo por conta allea e a creación de empresas.
Relacionadas:
-
Estrea das instalacións do viveiro de empresas no polígono de Barro-Meis
Por Redacción |
-
A Escola de Organización Industrial realizará accións de coworking no polígono de Barro-Meis
Por Oskar Viéitez |
-
Abren o prazo para solicitar espazos no viveiro de empresas do polígono de Barro-Meis
Por Redacción |
-
A Deputación promove espazos de coworking no polígono de Barro-Meis
Por Redacción |
-
Estrella Galicia adquire dúas parcelas no polígono industrial de Barro-Meis
Por Redacción |
-
Desbloquean o proxecto do centro loxístico de Froiz para o polígono de Barro-Meis
Por Oskar Viéitez |