Cae parte do falso teito no colexio público Don Aurelio de Cuntis
Por Redacción
A Concellería de Cultura e Educación do Concello de Cuntis informou dun incidente acontecido no colexio público integrado Don Aurelio, pola caída dunha bovedilla do falso teito dunha das aulas.
Dende o goberno local puxéronse a disposición do centro e máis da Asociación de Pais (ANPA) para "amosar a nosa disposición absoluta a solucionar todo tipo de problemas e deficiencias que existisen" no colexio e tamén a servir de fío de comunicación entre todos os axentes e a Consellería de Educación, "co fin de atopar rápida solución a unha serie de problemas que considerabamos urxentes".
Entre estas deficiencias, tanto o claustro de Profesores como a ANPA, en repetidas ocasións e no Consello Escolar, se fixo chegar a "situación deficiente dos teitos do centro". Ante este incidente, que non conlevou danos persoais, a pesares de que nese momento estaba tendo lugar docencia nesa aula, o goberno local mostrou o seu compromiso para dar solución a eses problemas.
Deste xeito, este martes trasladaranse os técnicos municipais do concello ao centro escolar para valorar os danos e emitir un informe do acontecido.
Así mesmo, dende o Concello de Cuntis amosaron o seu "descontento cos responsables territoriais en Pontevedra da Consellería de Educación, que seguen sen conceder unha xuntanza co concelleiro de Cultura e Educación, a pesares de ser solicitada en repetidas ocasións nos últimos meses".
Deste xeito, e ante a gravidade da situación, o goberno local solicitará unha reunión ao conselleiro de Educación, Román Rodríguez, para abordar este e todos os problemas que é necesario que dende a Consellería "lle den solución de maneira inmediata".
Relacionadas:
-
O PP de Cuntis recolle as queixas polo "estado de abandono" do colexio público Don Aurelio
Por Oskar Viéitez |
-
Preocupación en Cuntis pola perda de alumnado do colexio do municipio
Por Redacción |
-
O goberno local de Cuntis culpa da perda dunha subvención á "nefasta" xestión do anterior alcalde
Por Oskar Viéitez |