Protección Civil de Caldas incrementa a súa actividade un 12% no primeiro semestre do 2015
Por Redacción
A Agrupación Municipal de Voluntarios de Protección Civil de Caldas de Reis presentou o seu rexistro de actividade do primeiro semestre do 2015 que reflicte un crecemento de actividade do 12% no primeiro semestre do 2015 con respecto ao ano 2014.
O equipo dirixido polo xefe de agrupación, José Sieiro, mantén a súa folla de ruta de crecemento sostido durante o primeiro semestre do 2015, onde a agrupación caldense realizou un total de 374 servizos entre os que destacan:
- 61 accidentes de circulación (1.6% máis que en 2014)
- 47 intervencións por animais (3.4% máis que en 2014)
- 186 operativos por eventos e prevención no Camiño Xacobeo (1.4% máis que en 2014)
Tamén prestou apoio en 5 ocasións de carácter sanitario ao helicóptero do servizo 061 de Galicia e interveu en 7 incendios colaborando cos servizos de medio rural da Xunta de Galicia como ademais as colaboracións coa Policía Municipal do Concello caldense
A agrupación continuou durante o primeiro semestre co programa #AlertCaldas que pode seguirse a través das redes sociais, realizando actividades nos centros escolares promovendo o coñecemento do numero europeo de emerxencias 1-1-2 e o coñecemento da Reanimación Cardiopulmonar, un programa que continuará durante o curso académico actual 2015-2016 a petición do profesorado e tras o éxito que cultivou.
Destaca tamén unha actividade formativa en Primeiros Auxilios dirixida a motoristas que a agrupación realizou en Ponte Caldelas a petición da Plataforma Moteira pola Seguridade Viaria e onde participou conxuntamente cos seus compañeiros de Protección Civil de Vilagarcía de Arousa.
A agrupación continua á marxe da súa actividade coa recollida de datos do proxecto #HeliCaldas para establecer unha base de datos geo localizada das posibles helisuperficies do municipio ante situacións de emerxencia.
José Sieiro segue destacando o traballo de equipo de todos os voluntarios un labor que segue cualificando de "familiar, solidaria e impagable" e é que así manifestou "eles son os que fan que isto sexa posible".
Relacionadas:
-
"As redes sociais teñen os seus riscos, pero na xestión de emerxencias teñen vantaxes innumerables"
Por Natalia Puga & Mónica Patxot |
-
Como actuar ante un accidente de moto?
Por Redacción |
-
Laboriosa extinción dun incendio nun galpón en Troáns
Por Redacción |
-
Protección Civil de Caldas incrementa os seus servizos en medio millar nun ano
Por Redacción |