Jorge Cubela destaca o alto ritmo inversor en Cotobade nos primeiros cen días de mandato
Por Redacción
Máis de 745.000 euros. É o que Cotobade está executando en obras nos primeiros cen días do segundo mandato de Jorge Cubela como alcalde. Así o recorda o propio rexedor no balance que fai do traballo realizado en todo este período.
Este alto ritmo inversor, que vincula cos acordos alcanzados coa Xunta e a Deputación, contou nestes días con novos convenios como os 50.000 euros para o arranxo do peche do campo de herba ou a subvención de 46.000 euros aportados pola Axencia de Turismo para a sinalización de elementos catalogados por Patrimonio.
Tras as eleccións municipais iniciáronse as obras da Casa do Pobo de Cutián (53.000 euros), a reforma do Pavillón de Tenorio (61.000 euros), a mellora na seguridade da estrada vella de Tenorio (74.000 euros), a execución do saneamento de Cuiñas (60.000 euros), a reforma do soto do Concello para sala cultural (63.000 euros), as reformas das casas de Borela (37.000 euros), Reboredo (37.000 euros) e Cádavo (18.000 euros), a cuberta do ximnasio (26.000 euros), a execución de reposición de firmes en Insuela, Rañas, A Graña, O Coto, Pazos de Borela e Almofrei (120.000 euros) e a humanización da travesía de Carballedo (100.000 euros).
Jorge Cubela asegura que o contacto coas parroquias e os veciños, así como a presenza en todos os actos sociais, tradicionais e culturais "será da mesma intensidade que estes catro anos" e promete que aplicará unha xestión transparente e facer valer o peso de Cotobade ante as administracións.
"Continuaremos coa mesma capacidade de traballo para cumprir unha etapa de oito anos de progreso, de proxectos e de colocar a Cotobade no mapa, dende unha opción centrada nas persoas e nas parroquias", concluíu o alcalde.
Relacionadas:
-
Cubela arremete contra a voceira do PSOE: "Lina Garrido minte máis que fala"
Por Redacción |
-
O PSOE de Cotobade acusa a Cubela de "deixadez total e absoluta de funcións" nos seus 100 días de goberno
Por Redacción |
-
O Concello de Cotobade conclúe a mellora da N-541 a su paso por Tenorio
Por Redacción |
-
Finalizadas as obras de mellora do pavillón de Tenorio
Por Redacción |
-
Avanzan as obras de reforma da casa veciñal de Cutián
Por Redacción |