Finalizadas as obras de mellora do pavillón de Tenorio
Por Redacción
O pavillón de Tenorio en Cotobade xa conta coas novas instalacións a través da ampliación do edificio, segundo informa o goberno local, coa incorporación de tres novos aseos, un deles adaptado a persoas con mobilidade reducida, un vestiario privado, un almacén, un espazo para o despacho do encargado do pavillón e a creación de tres bancos para os equipos que empregan este espazo.
As obras foron realizadas a través do Plan provincial de Obras e Servizos 2015 da Deputación de Pontevedra cun presuposto de 53.077 euros.
Con esta reforma, o goberno local de Cotobade entende que se satisfán as demandas das entidades deportivas que utilizan habitualmente este pavillón.