Os comuneiros alertan dos escasos medios da Xunta para enfrontarse a un verán con alto risco de incendios
Por Redacción
A Organización Galega de Comunidades de Montes Veciñais en Man Común criticaron a elaboración do Plan de Prevención e Defensa contra vos Incendios Forestais (Pladiga) que, segundo expoñen os seus responsables Claudio Quintillán e Xosé Alfredo Pereira, non se consensuou cos principais sectores con implicación na xestión dos montes galegos.
Indican que o período de seca e a situación na que se encontran, sobre todo, os montes particulares sen desbrozar leva consigo un perigo inminente de cara a este verán cunha alta probabilidade de que se rexistren numerosos incendios forestais.
Claudio Quintillán lamentou que se manteñan dende hai anos no Pladiga as mesmas zonas de alto risco sen que se produzan variacións e denuncia que o custo económico do plan alcanza os 100 millóns de euros ao ano aos que hai que sumar os propios da extinción de cada incendio, que poden chegar a 50.000 euros por hora, sen que se resolvan os problemas de base centrados en poñer en valor o monte para evitar os incendios. Afirma que a contratación dunha avioneta ou dun helicóptero de intervención nunha extinción de incendios custa 3.000 euros por hora.
O secretario da organización engadiu que as brigadas se están a constituír, nalgúns casos, con tan só dous efectivos, unha cifra insuficiente para actuar fronte a un lume, segundo Quintillán que indicou que o problema se encontra tamén no modelo de contratación da maioría de persoal que conforman os servizos de extenición. Asegura que carecen de formación abondo e que só reciben un curso de 20 horas teóricas para enfrontarse a un incendio forestal.
Dende a Organización Galega de Comunidades de Montes Veciñais en Man Común alértase de que zonas como Cotobade, Campo Lameiro ou Monte Castrove conforman espazos de alto risco durante este verán. Por este motivo reclaman da Xunta un sistema consensuado e baseado nunha planificación que permita unha actuación efectiva na extinción do lume.
Relacionadas:
-
O comité de coordinación policial contra Incendios reúnese para organizar a loita contra o lume
Por Redacción |
-
Emerxencias Sanxenxo atende a un home ferido o envorcar o seu tractor e un incendio forestal
Por Oskar Viéitez |
-
Soben as temperaturas e empezan os incendios
Por Diego Torrado & Redacción |
-
Controlados os dous incendios forestais que calcinaron 75 hectáreas de monte en Vilaboa
Por Redacción | Creada e actualizada