1.465 peregrinos chegaron a Santiago polo Camiño Portugués esta Semana Santa
Por Redacción
Dende o pasado domingo ao actual, un total de 1.465 peregrinos visitaron Santiago de Compostela esta Semana Santa tras percorrer o Camiño Portugués.
Os días de maior afluencia foron o Xoves, o Venres e o Sábado Santo.
O albergue de Pontevedra estivo cheo durante todos os días, sendo necesario habilitar o pavillón da Xunqueira para acoller un grupo de mozos portugueses.
Segundo os datos oficiais ofrecidos pola Oficina do Peregrino, esta cifra é menor con respecto á Semana Santa anterior. E é que contabilizando todas as rutas posibles, a pasada Semana Santa visitaron Santiago un total de 7.351 peregrinos, fronte aos 6.216 rexistrados este ano (falta o reconto da tarde do domingo).
A ruta máis frecuentada foi o Camiño Francés, cun total de 3.711 peregrinos; seguido polo Portugués, con 1.465; o Primitivo, con 315; o Inglés, con 276; e a Vía da Prata, con 233.
Por nacionalidades, a maioría dos peregrinos son españois (3.906), seguidos por portugueses (785), alemáns (300), estadounidenses (163), italianos (125), irlandeses (81) e ingleses (71). Tamén se rexistraron outras nacionalidades.
Ademais, 5.662 peregrinos chegaron a Santiago camiñando, 497 en bici e 58 a cabalo.
Relacionadas:
-
Queren que o Camiño Portugués tamén sexa recoñecido como Patrimonio Mundial da Humanidade pola Unesco
Por Oskar Viéitez |
-
Satisfacción en Pontevedra ante os "excelentes" datos turísticos da Semana Santa
Por Alejandro Espiño |
-
O Camiño Portugués presume das súas camelias reais e pictóricas
Por Redacción |
-
O Albergue de Peregrinos agarda un novo cheo para esta Semana Santa
Por Redacción |