Os repetidos roubos de cable deixan sen internet ao polígono do Campiño e as parroquias da Reigosa e Xustáns
Por Oskar Viéitez
A Garda Civil investiga os repetidos roubos no cableado que se rexistran no monte da Reigosa.
Veciños da zona da Reigosa e Xustáns e empresas dos polígonos industriais do Campiño e A Reigosa denunciaron os prexuízos que estes actos provocan nas súas vivendas e negocios. As máis afectadas son as empresas de loxística onde resulta vital dispoñer dunha boa conexión ADSL.
O grave non é o custo que supón o cableado, senón o dano que afecta aos servizos que depende da liña.
O último destes roubos rexistrouse este martes pola noite, segundo informaron algúns afectados. A inmediatez da chamada á Comandancia da Garda Civil de Pontevedra, sobre as 22.40 horas, e a prontitude coa que acudiron os axentes do Posto de Ponte Caldelas non serviu para poder deter os autores do roubo pero si frustrou que se levasen o seu botín.
Con todo o servizo de telefonía na zona quedou interrompido na parroquia de Xustáns e en gran parte do polígono do Campiño.
Os ladróns cortaron de tal xeito os cables de cobre que estes quedaron inutilizados facendo inviable a súa reposición.
ÿ a sexta ocasión en menos dun ano que se rexistran saqueos nesta liña de cableado que ao encontrarse nunha área forestal resulta de doado acceso e dificulta a súa vixilancia. O Instituto Armado xa deu conta deste tipo de delitos na zona detendo varios individuos como presuntos autores destes roubos. Aínda que un dos problemas cos que se encontran é que non se presentan denuncias por estes actos delituosos, de modo que se descoñece canto cable se subtraeu.
Relacionadas:
-
Identificado un home como presunto autor de furtos de gasoil no polígono do Campiño
Por Redacción |
-
Rouban 3.000 metros de cable de cobre do cemiterio de San Salvador de Poio
Por Redacción |
-
A Garda Civil detén un individuo despois de sorprendelo roubando cableado de cobre
Por Redacción |
-
Rouban o cableado eléctrico no Campo Municipal da Chanciña en Campo Lameiro
Por Oskar Viéitez |
-
Detidos tres mozos por roubo de cable de cobre en Ponte Caldelas
Por Redacción |
-
Un novo roubo de cable de cobre deixa sen teléfono e Internet veciños de Ponte Caldelas
Por Redacción |
-
Cinco detidos por roubar 42 quilos de tubaxes e 238 quilos de cables de cobre
Por Redacción |