Tres prescriptores canadenses enxalzan os viños de Rías Baixas na súa visita á denominación de orixe
Por Redacción
O Pazo de Mugartegui acolleu este martes a presentación e a primeira das actividades englobadas dentro da misión inversa promovida en colaboración co ICEX e composta por tres prescriptores canadenses que visitan por vez primeira a D.O Rías Baixas.
En concreto os tres xornalistas especializados en viños de diferentes provincias canadenses, Rodd Phillips, Marie-Helene Boisvert e Tim Pawsey, puideron catar un total de 20 viños Rías Baixas, todos eles presentes en mercados exteriores, aínda que non todos en Canadá.
Segundo comentaba a responsable de Wines from Spain en Canadá, Pilar Randolph, todos eles quedaron gratamente sorprendidos coa frescura, as grandes posibilidades de maridaxe e as posibilidades destes viños no mercado canadense, cuxo mercado se concentra principalmente, en Quebec, que concentra o 51% das vendas do viño español neste país, Ontario e Columbia Británica.
Canadá ocupa actualmente o posto número 12 no ranking de países importadores dos viños de Rías Baixas
Todos os participantes nesta misión inversa coincidiron en destacar o grande interese que existe actualmente en Canadá polos viños brancos, e os Rías Baixas encaixan perfectamente cos gustos do consumidor canadense, moi similar ao europeo en canto a buscar viños frescos, limpos e expresivos, perfectos para unha maridaxe con mariscos ou peixes.
Tras finalizar a cata na sede do Consello Regulador, a misión inversa comezou as súas visitas a 8 adegas en tres das subzonas que compoñen a denominación de Origen, Rosal, Condado e Salnés. Ata o xoves estes prescriptores terán así a oportunidade de tomar contacto con adegas que venden xa os seus viños no mercado canadense, coñecendo a viticultura e a terra que dá orixe a estes viños atlánticos, información que trasmitirán posteriormente a través de publicacións como Taste Magazine, Vancouver Courier, Cellier, ou Nuvo Magazine, revista de live style máis importante en Canadá, ademais dos seus blogs persoais.
Canadá ocupa actualmente o posto número 12 no ranking de países importadores dos viños de Rías Baixas, con 77.000 litros exportados en 2013.
Relacionadas:
-
Rías Baixas exporta menos cantidade de viño pero a un prezo máis caro
Por Oskar Viéitez & Mónica Patxot |
-
A Denominación de Orixe Rías Baixas acada as súas estimacións nesta vendima
Por Redacción |
-
Un prestixioso crítico cata cen viños de Rías Baixas nunha mañá
Por Redacción |
-
Viña Moraima principia coa Misión Biológica a vinificación experimental da variedade "ratiño"
Por Redacción |
-
Nin champagne, nin cava, os escumosos de Rías Baixas buscan un nome propio
Por Oskar Viéitez |