Louzán confirma que "hai espazo" para novas ofertas de turismo termal na provincia
Por Redacción
O presidente da Deputación, Rafael Louzán, amosouse convencido de que na provincia de Pontevedra hai espazo para ampliar a fortalecer a oferta termal, como un puntal do sector turístico.
A provincia de Pontevedra conta con 6 vilas termais (Caldas, Cuntis, O Grove, Mondariz, Tui e Vila de Cruces); 9 balnearios activos (nas propias vilas termais), 4 talasos, 11 spas en hoteis, 7 servizos termais en casas de turismo rural e 4 en centros urbanos sen aloxamento.
En total, subliñou Louzán, preto de 3.000 prazas de turismo termal, cunha oferta diversificada en balnearios (con aguas mineromedicinais), talasos (augas marinas do océano Atlántico) e spas, "polo que hai que seguir apostando como un piar máis dun sector estratéxico como é o turismo".
Louzán fixo estas declaracións nunha rolda de prensa xunto a Cherry Beath, alcaldesa de Bath, unha das principais cidades turísticas de Inglaterra e centro de referencia mundial no ámbito do termalismo, onde situou a esta localidade como exemplo de aproveitamento dos seus recursos termais para xerar un sector turístico dinámico e eixe de desenvolvemento económico e social.
Camiñar pola mesma senda que Bath requirirá, afirmou Louzán, dunha aposta económica potente que resulta difícil nunha conxuntura económica adversa, pero que sempre pode chegar da man de investidores foráneos, como está a pasar na cidade inglesa, onde unha empresa de Malasia é a que está a crear novas instalacións termais.
ENCONTRO DE VILAS TERMAIS
A alcaldesa de Bath contará a súa experiencia no XI Encontro de Vilas Termais que se desenvolve na Illa de A Toxa, organizado pola sección de Entidades Locais con Augas Minerais e Termais da FEMP e coa colaboración de Turismo de Galicia e a propia Deputación, permitirá, en palabras de Rafael Louzán, promocionar a Pontevedra como destino termal de relevancia, dándose a coñecer entre os máis de 100 rexedores locais ou representantes de vilas termais que se darán cita nel.
Relacionadas:
-
A Deputación reformulará o programa de termalismo, que tivo 3.760 beneficiarios nun ano
Por Redacción |
-
860 prazas para coidarse nos balnearios da provincia
Por Redacción |
-
Sete balnearios da provincia participan nunha nova edición do programa Coidarte
Por Redacción |
-
A situación económica dos pensionistas reduce a súa participación nas actividades de ocio e respiro familiar
Por Oskar Viéitez |
-
Volve a tempada de balnearios con 6.000 prazas
Por Redacción |