Os traballadores de Enmacosa desconvocan a folga ao chegar a un acordo coa empresa
Por Redacción
Os 122 traballadores da empresa Enmacosa decidiron suspender a folga indefinida que estaba previsto que comezara o xoves 23 nas instalacións desta entidade con base en Sanxenxo. Despois dunha xuntanza mantida nas últimas horas, os traballadores chegaron a un acordo coa xerencia da consultoría técnica e, deste xeito, a empresa comprometeuse a pagar varias das nóminas que se lle debe ao persoal.
Segundo fontes sindicais, con este acordo acadado coa empresa tamén quedan suspendidas as concentracións de protesta ao entender que se obtiveron os obxectivos previstos. Os traballadores convocaran o paro para acadar que a empresa lles pagara as nóminas de marzo e de abril deste ano.
O persoal está agora pendentes de que o Xulgado do Mercantil inicie o proceso do concurso de acredores solicitado pola empresa.
Relacionadas:
-
A administración concursal chama os acredores de Enmacosa
Por Redacción |
-
A asemblea de traballadores de Enmacosa convoca folga indefinida a partir do 23 de outubro
Por Redacción |
-
Os traballadores de Enmacosa sopesan unha "folga indefinida"
Por Redacción |
-
Enmacosa comprométese a presentar o concurso de acredores esta semana
Por Redacción |