María Biempica celebra a retirada da lei do aborto: "De alguna forma se me da la razón"
Por Alejandro Espiño
Cinco meses despois de abandonar o grupo municipal do PP, María Biempica celebra o anuncio por parte do Goberno de que retira a pretendida reforma da lei do aborto. "De alguna forma se me da la razón", recoñece a agora concelleira non adscrita do Concello de Pontevedra. A súa saída do equipo de Jacobo Moreira debeuse, especialmente, á súa oposición ante este asunto, expresada publicamente nun Pleno da corporación municipal.
Nunha rolda de prensa celebrada este mércores, María Biempica expresou a súa "alegría" pola decisión do Goberno. Asegura que cando coñeceu a noticia, "me acordé de muchas situaciones", xa que afirmou que, cando mostrou a súa oposición a esta reforma lexislativa, quedou nunha situación "complicada" e recordou que moitos dos seus compañeiros "tuvieron actitudes que no fueron de respeto hacia mí".
Por iso, cando viu as declaracións públicas de cargos do Partido Popular apoiando a retirada deste anteproxecto "me ha hecho mucha gracia", porque sinalou que "yo lo pasé francamente mal" pola súa postura pública en contra da reforma da lei do aborto. "Hubo muchas tensiones y muchos reproches", insistiu Biempica, a quen lle gustaría ver, dixo, "donde está ahora la gente que respaldaba a Gallardón".
Sen entrar a valorar a dimisión do ministro de Xustiza, "un tema personal", afirmou, "porque tenía demasiados frentes abiertos", a concelleira non adscrita destacou que a lei se retirara ao carecer de consenso e tras as protestas dos cidadáns que xerara. "Me parece inapropiado aprobar una ley cuando el siguiente gobierno la va a retirar nada más llegar", destacou. Por iso, afirmou que en cuestións como esta "debe haber unos principios mínimos de consenso entre todos".
Neste sentido, María Biempica pediu aos partidos políticos que dentro das súas filas "valoren la diversificación de opiniones", destacando que no seu momento con ela "no lo hicieron" e máxime nun asunto tan delicado. Non menos importante, subliñou é que "escuchen a los ciudadanos porque muchos de ellos no se sienten representados y por eso están naciendo nuevos partidos".
SATISFACCION NO GOBERNO MUNICIPAL
Pola súa banda, dende o Concello de Pontevedra, a concelleira de Benestar Social, Carmen Fouces, tamén se felicitou pola retirada da lei do aborto. Asegura que o goberno municipal hai "satisfacción" por esta decisión, pero tamén "alivio contido" porque afirma que "non sabemos moi ben o touro ferido que é o PP neste momento por onde nos vai a saír e como vai a vestir esta derrota", porque entende que "non van dar o brazo a torcer na súa totalidade".
Carmen Fouces vinculou fundamentalmente esta decisión do Goberno á proximidade das eleccións municipais de maio. "De tontos non teñen un pelo", sinalou. Afirmou que nin os recortes en sanidade, educación ou servizos sociais ou as taxas xudiciais "lle fixeron tremer a silla do poder", como si fixo esta pretendida reforma. A lei de Gallardón, destacou, podía poñer aos populares nunha "situación moi complicada diante mesmo do seu propio electorado".
En todo caso, Fouces afirmou que esta decisión demostra o poder que teñen os movementos e protestas sociais, "sempre que sexan organizados". A este respecto, recorda que en Pontevedra houbo unha "contraofensiva tremenda" das forzas "máis ultraconservadoras" e dende o goberno municipal "nos mantivemos firmes", contando sempre co apoio de numerosas asociacións e colectivos cidadáns.
Relacionadas:
-
María Biempica presentarase ás eleccións baixo a denominación "Tod@s por Pontevedra"
Por Redacción |
-
María Biempica súmase á carreira electoral e encabezará unha candidatura independente
Por Alejandro Espiño |
-
María Biempica acusa o PP de intentar excluíla de cinco consellos escolares
Por Redacción |
-
Os médicos debaterán en Pontevedra os seus problemas éticos co aborto, a morte digna ou a eutanasia
Por Oskar Viéitez |
-
María Biempica presenta a súa baixa como concelleira do Partido Popular
Por Redacción | Creada e actualizada
-
María Biempica rompe a disciplina de voto do PP e rexeita a reforma do aborto de Gallardón
Por Alejandro Espiño |
-
Animan os pontevedreses a dar "un golpe potente na mesa" contra a "retrógrada" lei do aborto
Por Redacción |
-
A reforma da lei do aborto é "absolutamente inaceptable" para o Concello de Pontevedra
Por Alejandro Espiño |