Seixo e Loira reciben auga cada tres horas tras a instalación de bombeos nos depósitos municipais
Por Redacción
Mentres os técnicos de Viaqua seguen traballando en Pontevedra para solucionar a avaría na rede de abastecemento de auga, localizada nas Corbaceiras, o Concello de Marín tomou medidas para mellorar a situación das zonas máis afectadas polos cortes de subministración.
A instalación de bombeos e aceleradores de presión nos depósitos de auga municipais permitiu minimizar as molestias aos veciños.
Desta forma os depósitos de Pedreiras e da Cuesta conseguen abastecer a gran parte do núcleo urbano marinense, sendo as parroquias de Seixo e Loira as máis prexudicadas pola avaría.
En ambas as dúas zonas os cortes de auga son constantes pero, segundo explica o Concello, o bo comportamento no caudal do depósito de Cadrelo permite porporcionar auga por tramos horarios "tratando cada tres horas de abastecer sucesivamente ás zonas altas e baixas", aínda que a presión sexa menor á habitual.
Marín sinala ademais que atenderá todas as dúbidas dos veciños no teléfono 986 881 000.
Relacionadas:
-
A alcaldesa de Marín xustifica que un traballador do Concello ingresara 17.400 euros en horas extra
Por Redacción |
-
Restablecido o servizo de auga a Marín
Por Redacción |
-
Dous ou tres días máis de cortes de auga pola avaría na rede de abastecemento
Por Alejandro Espiño |
-
Calculan que unhas 5.000 persoas víronse afectadas pola avaría da auga en Pontevedra
Por Redacción |
-
A rotura dunha tubaxe da subministración en Pontevedra deixa sen auga a Marín e Bueu
Por Redacción |