Eduardo Madina visitará Pontevedra o venres para presentar o seu proxecto para liderar o PSOE
Por Redacción
Tras o paso por Pontevedra de Pedro Sánchez, outro dos candidatos a suceder a Alfredo Pérez Rubalcaba como secretario xeral do PSOE virá á cidade do Lérez para explicar aos militantes e simpatizantes socialistas as súas propostas para liderar o partido. Trátase de Eduardo Madina, deputado por Biscaia e coordinador do grupo parlamentario do PSOE no Congreso dos Deputados.
Madina protagonizará un acto aberto a todos os simpatizantes do PSOE en Pontevedra. Celebrarase o próximo venres 27 de xuño, ás 16.30 horas, na Praza da Liberdade (Campolongo).
Esta visita enmárcase na oferta que realizou a Executiva municipal do PSdeG-PSOE a todos os candidatos á Secretaría Xeral para que acudisen a Pontevedra a expoñer as liñas básicas dos seus respectivos proxectos para a dirección socialista.
Relacionadas:
-
Madina explica en Pontevedra o seu modelo federal para España
Por Oskar Viéitez |
-
Pedro Sánchez aposta por un "cambio de verdad" no PSOE e reivindica en Pontevedra a figura de Touriño
Por Oskar Viéitez & Mónica Patxot |
-
Pedro Sánchez, primeiro candidato á Secretaría Xeral do PSOE que visitará Pontevedra
Por Redacción |
-
Alternativa Socialista impulsa a plataforma "Pontevedra con Madina"
Por Redacción |