Alternativa Socialista impulsa a plataforma "Pontevedra con Madina"
Por Redacción
Co propósito de captar apoios para o candidato á secretaría xeral do Partido Socialista a corrente crítica Alternativa Socialista de Pontevedra impulsa a autodenominada plataforma "Pontevedra con Madina".
Á fronte desta iniciativa sitúase o alcalde de Caldas, Juan Manuel Rey, que foi candidato alternativo á corrente oficialista nas últimas eleccións internas do PSdeG-PSOE da provincia. Xunto a el posicionáronse militantes doutras oito agrupacións socialistas.
Polo momento, xunto a Eduardo Madina aspiran á secretaría xeral do PSOE outros candidatos como o deputado madrileño Pedro Sánchez; o exdeputado e membro de Esquerda Socialista José Antonio Pérez Tapias e o sociólogo e consultor político Alberto Sotillos.